Siria erasotzeko Obamak argi berdea eman zain

  • AEBen gidaritzapean, bihar abia daiteke Siriako Gobernuaren aurkako operazio militarra, NBC telebista kateak jakinarazi duenez. Barack Obama presidenteak argi berdea eman zain daude soldaduak.


2013ko abuztuaren 28an - 00:00
Azken eguneraketa: 2015-02-26 13:37:33
Obamak gaur eman lezake Siria erasotzeko agindua. (Argazkia: RT)

Erasoa itsasontzi eta urpekariek egingo lukete Mediterraneo itsasotik eta gehienez hiru egun iraungo lituzke, hedabideek zabaldu dutenez.

Atzo genioen moduan, litekeena da AEBek eta operazio militarra babestu duten gainerako herrialdeek Nazio Batuen Erakundearen (NBE) babesik gabe eraso egitea Siriari. Bashar Al-Assaden gobernuak herritarren kontra arma kimikoak erabili izana demostratzen duen frogarik oraindik ez dagoela ohartarazi du NBEk.

AEBentzat, ordea, argi dago Siriako Gobernuak arma kimikoak erabili dituela eta erantzun irmoa ematea beharrezkoa dela esan du.

Erasotzeko baimena, Martin Luther King-en omenezko ekitaldian?

AEBetako armada Obamak erasotzeko agindua eman zain dago. Hainbat hedabidek zabaldu duenez, presidenteak gaur eman dezake esku hartze militarra abiatzeko baimena, Martin Luther King afroamerikarren eskubide zibilen aldeko ekintzailearen omenezko ekitaldi batean.

Hain justu, gaur bete dira 50 urte Luther King-ek I have a dream (Amets bat daukat) hitzaldia eman zuenetik. Hitzaldi hura gogoan, hainbat ekitaldi egingo da gaur AEBetan. Horietako batean izango da Obama, AEBetako lehendabiziko presidente afroamerikarra. Haren interbentzioak espektazio handia sortu du, ez hainbeste beltzen eskubideen inguruan esango dituenengatik, Al-Assaden aurkako esku-hartze militarraz esan ditzakeenengatik baizik. Ikusteke dago erasotzeko agindua eskubide zibilen aldeko ekitaldi batean ematea erabakiko duen ala ez.

'I have a dream'

Afroamerikarren eskubideen alde Washingtonen egindako manifestazio historikoa amaitzean eman zuen Luther King-ek aipatu hitzaldia. 1929ko urtarrilaren 15ean jaio zen Atlantan, eta 1964an Bakearen Nobel Saria jaso zuen. 1968an hil zuten.

James Earl Ray preso ohia kondenatu zuten hilketagatik. Teoria batzuen arabera AEBetako Gobernuak agindu zuen Luther King hiltzea, baina ez dago horren frogarik.


Kanal honetatik interesatuko zaizu: Siriako gerra
2022-11-08 | Aitor Aspuru Saez
Abdulkarim Omar
"Herri kurduaren aurka erabili ditu Turkiak, NATOra batzeko Suediak eta Finlandiak egindako eskaerak"

Abdulkarim Omar kurduak farmazia bat zuen Qamishlo-n, bere herriaren iraultza hasi zenean Sirian, 2012an. Orduan negozioa utzi eta lan politikoan sartu zen buru-belarri. Urriaren amaieran Euskal Herria bisitatu zuen, Siriako Ipar eta Ekialdeko Autoadministrazioko ordezkari... [+]


AEBk Siriako base irandar batzuk bonbardatu ditu

Estatubatuar presidente Joe Bidenek eman du agindua Deir ez-Zor-eko bunker gunea bonbardatzeko. Munizioa biltegiratzeko eta laguntza logistikoa emateko erabiltzen diren bunkerrak direla adierazi du AEBtako armadak komunikatu batean.


2021-09-21 | Axier Lopez
Irailaren 11ko legatua: Yes we drone

2001eko urrian, irailaren 11n World Trade Centerren aurkako erasoak gertatu eta hilabetera, Amerikako Estatu Batuetako Aire Armadako pilotu batek historia egin zuen: drone moderno batekin (The Predator) eraso hilgarria egin zuen lehen pertsona izan zen. Ordutik, droneak XXI... [+]


2021-02-07 | Aitor Aspuru Saez
Siriako kurduen erronka zaila
Zer egin ISISeko milaka kide ohiekin?

Duela ia bi urte amaitu zen Daesheko Kalifatoa, baina erakunde horretan ibilitako milaka lagunek Siriako ekialde eta iparraldean jarraitzen dute. Kurduek gidatutako proiektu politikoak arazo larria du beste inork jaso nahi ez dituen pertsona hauek kudeatzen.


2020-07-22 | Mikel Eizagirre
Assaden Baaz alderdiak eta haren aliatuek irabazi dituzte Siriako parlamentuko hauteskundeak

255 eserlekutatik 177 eskuratu ditu al-Assaden “Batasun Nazionala” izeneko hautagaitzak.


Eguneraketa berriak daude