ETB

"Nola ulertu ETBk helduentzako film bakar bat ere ez eman izana euskaraz eta 130 gaztelaniaz?"

  • EITBko zuzendari nagusiak idatziz erantzun dio EH Bilduk luzatutako galderari: “Nola ulertu azkeneko lau hilabeteetan ETBn helduentzako pelikula bakar bat ere emititu ez izana euskaraz eta aldiz gazteleraz 130 film eman izana?”. EITBren erantzun “lauso eta zehaztugabea, inolako konpromisorik gabea” kritikatu du Administrazioan Euskaraz Taldeak.


2022ko urriaren 05an - 10:18

Andoni Aldekoa EITBko zuzendari nagusiak Josu Estarrona EH Bilduko legebiltzarkideari erantzun dio emisio digitala lehenesten ari direla, emisio linealaren (telebista tradizionalaren) aldean. Aldeokaren hitzetan, “EITB euskarazko edukiak lehenesten ari da, eta politika horri jarraituz, lanean ari da euskal gizarteari alternatiba bat eskaintzeko zinema eta fikzio kontsumo masiboaren arloan”. Iragarri du fikziozko eta zinemako edukien liburutegi bat osatzen ari direla, 2023an argia ikusi nahi duen Primeran plataforman eskaintzeko.

“Gainera, bikoizketa kontratatzeko prozesuak eraldatzen ari gara, dinamika berri hori aurrera eraman ahal izateko. Hori dela eta, EITBk une honetan lehenengo emisio-leihoa digitala izatea lehenesten du, eta emisio lineala –audientzia oso txikia duena– erreserban du aldi batez”.


Kanal honetatik interesatuko zaizu: ETB
2024-03-21 | Euskal Irratiak
Urtzi Urkizu
"Susmoa dut gizartearen parte handi batean badagoela kezka ETB-rekin"

Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]


2023-10-22 | Lander Arretxea
Unai Iparragirre, ETBko zuzendaria
"Euskara ulertzen ez dutenak ere ETBren unibertsoan nahi ditut"

2021az geroztik, ETBko zuzendaria da Unai Iparragirre. Telebista kateetako edukien ardura da berea, baina baita plazaratu berri duten Primeran plataformarena ere. Jaiotza horren aitzakian hartu gaitu Bilboko egoitzan duen bulegoan.


ETBk nazioarteko filmak eta serieak euskaraz emateari "betoa" jarria diola salatu dute

EITBren egoitzaren aurrean elkarretaratzea egin dute (H)itzartu ETBk deituta. EAJri eta ETBri politikak errotik aldatzeko eta "premiaz euskarazko eskaintza erakargarria" osatzeko eskatu diote.


Eguneraketa berriak daude