Nazioarteko salaketa adostu eta sinatzea proposatuko dute azaroaren 9an
Kataluniako bloke soberanista prestatzen ari da nazioartean zabaltzeko salaketa-dokumentu bat, azalduz Espainiako Estatuak eragozten diela katalanei beren etorkizunaz hitza izatea.
Azaroaren 9an eskainiko zaie herritarrei sinatu dezaten, azkenean egun horretan galdeketa egin ala ez.
Idatzia bidaliko da Nazio Batuen Erakundearen batzar nagusira, Europako Legebiltzarrera, Europako Batzordera eta Europako Kontseilura.
Antza denez, prestatzen ari diren idazkiak laburbiltzen du Kataluniak egin duen bidea 2005ean bertako lebiltzarrak Autonomi Estatutu berri bat onartu zuenetik eta Espainiako Gobernuak elkarrizketari eta herritarrei iritzia galdetzeari ezarritako ukoari, idatziaren bukaeran nazioarteko instituzioei eskatzeko lagundu dezatela katalanek beren etorkizuna demokraziaz erabaki dezaten.
Idatziaren prestaketan parte hartzen ari dira CiU, ERC, ICV eta CUP alderdiak batetik eta Assemblea nacional Catalana bestetik.
Azaroaren 5ean aurkeztuko dute ekitaldi handi batean. Kataluniako hautetsi nagusiek parte hartuko dutela aurreikusten da: Parlamenteko hautetsiak, Madrilgo Kongresu eta Senatuko legebiltzarkideak, Europako Legebiltzarrean daudenak eta Kataluniako udaletakoak.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]