ARGIA.eus

2020ko abuztuaren 04a
Urriaren 1ean, Kataluniako erreferenduma

"Nahi al duzu Katalunia estatu independente izatea errepublika gisa?"

  • Urriaren batean egingo dute Kataluniako independentziari buruzko erreferenduma, gaur Carles Puigdemont presidentak jakitera eman duenez. Galdera ere argia da: "Nahi al duzu Katalunia estatu independente izatea errepublika gisa?".

Axier Lopez @axierL
2017ko ekainaren 09a

Carles Puigdemontek argitu du, Oriol Junqueras presidenteordez lagunduta, independentziari buruzko erreferendumaren data eta galdera. Aurtengo urriaren batean kataluniar guztiei ondorengoa galdetuko diete: "Nahi al duzu Katalunia estatu independente izatea errepublika gisa?". Galdera katalanez, gaztelaniaz eta araneraz idatzita izango da.

Generalitateko Jauregiko Tarongers patioan goizeko 10:15ean eman dute prentsaurrekoa, gobernuko kideek eta Junt pel Sí eta CUPeko diputatuek babestuta. Junquerak eta Puigdemontek azpimarratu dute, bide guztiak erabili dituztela erreferenduma adostua izan dadin, baina aurrean ezetza besterik ez dutela aurkitu. Halere, "hauteskundeen ostean herritarren aurrean emandako hitza eta indar politikoen artean adostutakoa" betez, erreferenduma egin egingo dutela berretsi dute, "milaka urte dituen Kataluniako nazioak duen autodeterminazio eskubidea gauzatuz".

Zazpi minutuko hitzartzean argitu ditu erreferendumaren data eta galdera Carles Puigdemontek:

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude