Nafarroako Parlamentuko batzorde berrien eraketan Ekonomia eta Ogasuna eskuinaren menpe geratu da
EH Bilduk babesa eskatu dio PSNri mahaian egon ahal izateko, baina María Chiviteren alderdiak Geroa Baik, UPNk eta PPk osatutakoa nahiago izan du. Gainerako batzordeetan ez da sorpresarik izan eta gobernua sostengatzen duten alderdiak izango dira nagusi.
aurre egingo dieten hedabide independenteak
Demokrazia parlamentarioetan legeak onartu ahal izateko gakoa osoko bilkuran ordezkaturik dauden alderdien arteko indar harremanean datza. Zentzu horretan, argi dago Nafarroan datorren legealdiko puzzleak aurrekoarekin antza handia izango duela: alde batetik, PSN, Geroa Bai eta Contigo-Zurekin; bestetik, UPN, PP eta Vox; eta tartean EH Bildu, bat egiten ez duten pieza horiek koipeztatzeko zereginari eutsiz.
Baina, legeak aurrera atera ahal izateko prozesuan eskuinak badu zer esan eratu berri diren batzorde berrien bozketen emaitzak ikusita. Izan ere, Ekonomia eta Ogasuna Batzordearen mahaian gehiengoa eskuratu du, EH Bilduren eta PSNren arteko desadostasun baten ondorioz.
Gainerako batzordeetako mahaietan alderdi aurrerakoien gehiengoak ahalbidetzearen truke, EH Bilduk Gobernuari eskatu zion Ekonomia eta Ogasunaren batzordea zuzentzen duten hiru eserlekuetako bat eskuratzea, baina PSNk uko egin dio. Ondorioz, Geroa Baiko Isabel Aranburu izango da zuzendaria, UPNko Juan Luis Sánchez de Muniain zuzendariordea, eta PPko Irene Royo idazkaria. UPNk, halaber, osasuna, hezkuntza, industria eta eskubide sozialen batzordeetako zuzendaritzak lortu ditu.
Batzordeko mahaiaren eskumenak
Baina, zer suposatzen du batzordearen mahaia eskuratzeak? Praktikan, ez dauka eragin zuzenik legeetan. Bai, ordea, haien epe eta debateetan. Hau da, parlamentarien ganberara eramango diren eztabaida ekonomikoen inguruan azken hitza eskuinak izango du.
Bereziki esanguratsua da aurrekontuei dagokienez, UPNk eta PPk epeak ahalik eta gehien atzeratzea erabaki dezaketelako, gobernua presionatuz eta programa politikoan jasotako ekintzak oztopatuz.
Aipatu beharra dago, gerora osoko bilkuran eztabaidatu eta bozkatuko diren gaien nondik norakoak aztertzeko eta zehazteko balio dutela batzordeek. Hamalau parlamentarik osatzen dituzte, Foru Legebiltzarreko eserleku banaketa orokorra proportzionalki mantenduz: UPNk lau, PSNk hiru, EH Bilduk bi, Geroa Baik bi, PPk bat, Contigo-Zurekinek bat eta Voxek bat. Batzordekideak beraiek dira, hautagai bakar baten bozkaren bidez, mahaian eseriko diren zuzendaria, zuzendariordea eta idazkaria izendatzen dituztenak.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Mariano Fazio apaiza, Opus Deiren buru izateko oinordekoen zerrendan lehena, lau hamardaketan zehar gutxienez 43 emakume esplotatu dituen sare baten parte zela ondorioztatu dute PROTEX Argentinako Pertsonen Salerosketaren aurkako Prokuradoretza eta Argentinako auzitegi batek... [+]
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Portugaletera bazoazte, autobidea utzi eta hiriko sarrerako bi erreiko bide bazterrean 40 ardiko artaldea ikusiko duzue agian. Makilarekin zaindari dute alboan artzaina, iluntzetan itxituran sartu eta egunez pisu-lantegi arteko zelaietan bazkatzen du artaldea. Bere izena izan... [+]
Prekaritate global hirukoitza pairatzen dute Pakistanen, klimak, energia gabeziak eta finantza publiko arazoak elkarrekin eragindakoak, bakoitzak bertze bien kalteak areagotzen dituela. Halere, arazoaz jabetu dira bertako agintariak eta bideratu dituzte aldaketak, nahiz eta... [+]
“Ez dakit” esaldi itzela da, baina zenbat kostatzen den esaten ikastea! Irakasleoi, batez ere, ikasleek eta gizarteak orojakileak garela sinistarazi digutelako. Beraz, eskola-emaileoi ezjakintasuna aitortzeak lotsa eta larria eragiten digu, gure ahultasun hori... [+]
Ikasturte hau, zalantzarik gabe, ekitaldi handien ikasturtea izan da. Horrek hainbat hausnarketa eragin ditu kalean, eragile sozialetan zein sareetan. Eragin baino gehiago, azaleratu; egon bazeudelako lehenago ere. Esan beharrik ez dago: aisialdia ez da erantzukizun politikotik... [+]
Lagunen arteko erlazioak fluidoen fisikaren pean daude, amodio erlazioak baino gehiago, Zygmunt Bauman gorabehera. Ez du gura esan amodio harremanak, egun, solidoak direnik. Likuadora-ren soziologoak saiakera gomendagarria idatzi zuen horretaz, Maitasun likidoa, azpitituluz Giza... [+]
Sanferminak ate joka, Iruñeko eta Iruñerriko garraio publikoko autobus gidariek greba mugagabeari ekin diote asteazkenean. Lanuzteak jaietan izango duen eraginaren aurrean, Iruñerriko Mankomunitateak gutxieneko zerbitzuak ezarri ditu: Sanferminak hasi... [+]
Maiatzean Korsikan egon nintzen topaketa batean, hezkuntza artistikoa eta hizkuntzen irakaskuntza aipagai, gure antzerki taldean hezkuntza eta antzerkia anai-arreba bikiak baitira ekinean. Ikastaroan, luzaz mintzatu ginen linguista batekin, etorkinei frantsesa eta ingelesa... [+]
Udako opor hauetan ez dira gutxi izango Andaluziako eguzki eta ur epel bila doazen euskal herritarrak. Kontrako bidea egin zuen Ana Geranios (San Pedro Alcántara, Andaluzia, Espainia, 1988) kazetari eta idazleak martxo amaieran, Euskal Herrira etorri baitzen Costa del... [+]
“Urrats kuantitatibo eta kualitatiboa” eman du antolakuntzak, finala lekuz aldatuko du, inoizko finalik “handiena” egiteko. Zortzi saiok osatuko dute txapelketa. Sarrerak udazkenean jarriko dituzte salgai.
Badira ibilbide literario oso bat justifikatzen duten poemak. Joxe Azurmendiren Manifestu atzeratua da horietako bat. 1960ko hamarkadako euskal kultura berriaren funtsezko testuetako bat izateaz gain, hil berri den pentsalariaren gaztetako lan horri erreparatuta, gero jorratuko... [+]
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.