"Muralak zentsuratu badituzue ere, mezu askatzaileak zabaltzen jarraituko dugu Sopelan"
Sopelako mural politikoen topaketan egindako muralak zentsuratu dituztela eta, zenbait kolektibok zentsura salatzeko protestara deitu dute larunbatean 20:00etan Sopelako Sanpedro txosnagunean.
Maiatzaren 5ean mural politikoen topaketak egin ziren Sopelan, ‘horma gris isil asko aldarrikapen eta kolorez betez’ lemapean. Antolatzaileek adierazi dutenez, “Zapore gazia izan zuen egunak”. Ertzaintzak, bederatzi lagun identifikatu eta mozal legea aplikatu zien.
Plaza Beltzak, Uribe Kostako Agroasanbladak, Aistak Sopelako Talde Feministak eta Tosu Betirako kolektiboetako kideek azaldu dutenez, “gertakari hauen ostean, Udalak presa handiz ezabatu zituen muralak”. Helburu artistiko eta politikodun margoketak baino ez dituztela ezabatu azpimarratu dute.
“Herritarren adierazpen askatasuna zapaldua” delako, larunbatean 20:00etan Sopelako Sanpedro txosnagunean egingo den protestan parte hartzeko deia egin dute.
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]