Mozal Legearen aurkako agerraldiak egingo dituzte asteazkenean Legebiltzarrean
Mozal Legearen inguruan Eusko Legebiltzarrari konpromisoak hartzea eskatzeko agerraldiak egingo dituzte asteazkenean Eleak/Libre mugimenduak, Hala Bedik eta Kaleratzeak Stop plataformak.
Legebiltzarrean bertan izango dira agerraldiak eta plataforma bakoitzak bere egoera azaltzeko tartea hartuko du, 13:30etatik 15:30etara. Legea aplikatzeari uzteko eta 2016an hartutako konpromisoa bete dezan eskatuko diote Legebiltzarrari.
Eleak/Libre mugimendua
Mozal Legearen irakurketa orokorra egiteaz arduratuko da, 13:30ean hasita. 2015eko uztailean legea indarrean sartu zenetik izan diren ondorioen balantzea egingo du, eta Eusko Jaurlaritzak Mozal legea nola erabili duen eta horrek sskubide zibil eta politikoekiko izan duen eragina aztertuko du.
Hala Bedi
Hala Bedi irratiko ordezkariek 14:30ean hartuko dute hitza. 2017ko maiatzaren 18an Gasteizko Errekaleor auzoko argia mozteko operazioan, zuzenean informatzen ari zen irratiko kazetari bati 602 euroko isuna jarri zion Ertzaintzak. Eusko Jaurlaritzaren Poliziak kazetari baten aurka Mozal Legea aplikatu zuen lehenengo aldia izan zen.
Kaleratzeak Stop
15:30ean hitz egingo dute. 2016ko irailaren 15ean etxegabetze bat eragozteko etxe atarian bildu ziren hainbat lagun. Urtebete beranduago, protesta horretan parte hartu zuten Arabako Kaleratzeak Stop taldeko sei kideri 602 euroko isun bana ezarri zieten, “poliziaren lana oztopatzea” egotzita.
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]