"2015. urtean onartu zenetik, mozal legea etengabe erabili dute giza eskubideen defentsan antolatzen diren erakundeak, ekintzaileak, kazetariak eta herritarrak desmobilizatzeko", salatu du erakundeak.

Adierazi duenez, Herritarren Segurtasunerako Legearen erreforma, zeina aurki onartuko duten, "urteetako atzerapenarekin" dator. "Eta okerrena da ez dituztela ezabatuko egungo legearen alderdi okerrenak. Mozal legea makillatuko du". Aurrerantzean ere "protesta baketsuen aurkako mozal bat" izango dela gaineratu du Amnesty Internationalek, eta adierazpen askatasuna mehatxupean egongo dela, hura gehien kaltetu duten artikuluak ez dituztelako errotik aldatu edo ezabatu.