Mozal Legea dela-eta Hala Bediri ipinitako isunaren auzia aztertuko du Espainiako Herriaren Defendatzaileak
Espainiako Estatuko Herriaren Defendatzaileak aintzat hartu du PDLI (Informatzeko Askatasunaren Aldeko Plataforma) taldeak Mikel Saenz de Buruaga Hala Bediko kazetariari ezarritako isunagatik aurkeztutako kexa. Erakundeak PDLIri jakinarazi dionez, zigor horren nondik norakoak aztertzeko lanean hasita daude jada.
Saenz de Buruagari 602 euroko isuna jarri zioten, maiatzaren 18an Gasteizko Errekaleor auzoan argindarra mozteko egindako polizia-operazioa grabatzeagatik. Ertzaintzak kazetari baten aurka Mozal Legea erabilitako lehen aldia izan zen. Poliziek Saenz de Buruaga irudiak hartzeko erabiltzen ari zen sakelako telefonoa hondatu zuten; hark, berriz, kazetari modura aurkeztu zuen bere burua, prentsa txartela erakutsiz.
Hala Bedik adierazi du ez duela isuna ordainduko, eta legearen aurrean desobedientziaz jokatuko duela: "Lege injustua den heinean, horretarako zilegitasuna daukagu".
Herriaren Defendatzaileak PDLIri jakinarazi dio honezkero harremanean dela Eusko Jaurlaritzako Barne Sailarekin, gertatutakoari buruzko informazioa eskatzeko. Gogoan izan behar da 2016an Mozal Legea ez aplikatzeko konpromisoa hartu zuela Eusko Legebiltzarrak, ARGIAri ezarritako isunaren ondorioz. Alabaina, ordutik Ertzaintzak ehunka aldiz baliatu du lege hori zigorrak jartzeko.
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]