Emakumeak borrokan

Milioi bat euro baino gehiago ordaindu dute EAEko herritarrek Mozal Legearen ondorioz

  • 2015. urtean indarrren sartu zen Mozal Legea Espainiako Estatuan, eta 2016an Eusko Legebiltzarrak legea ez aplikatzeko hautua egin zuen arren, aplikazioa zabala izan du Hego Euskal Herrian. Hala Bedi irratiak argitaratu duen informazioaren arabera, EAEko herritarrek 1.286.974,64 euro ordaindu dituzte isunetan.

Gorka Pe˝agarikano @gorkap34
2018ko azaroaren 09a

Legeaz 2016ko ekainaren 22ko Legebiltzarreko saioan Mozal Legea ez aplikatzeko proposamenaz aritu ziren. Eh Bildu, PSE, Ahal Dugu eta EAJ ados azaldu ziren, eta aurka bozkatu zuen bakarra PP izan zen. Jeltzaleek Mozal Legearen isuna “bidegabea” zela zioten, askatasuna “urratzen” zuela, eta kazetariei ez ezik, herritar guztiei “eragiten” ziela legeak. “Onartezina” zela zioen Juan Carlos Ramírez Escudero EAJko legebiltzarkideak. Proposamena onartuta, Eusko Jaurlaritzara igorri zuten ideia, baina bere horretan geratu zen.

2015ean Espainiako Gobernuak indarrean sartu zuenetik, sarritan aplikatu izan da Mozal Legea EAEn. Hala Bedi-k  EAEko Administrazioaren Ordainketa- eta Kobratze-sistema Integralaren datuetan oinarrituta, argitaratu du Araba, Bizkaia eta Gipuzkoako herritarrek 1.286.974,64€ ordaindu dituztela Mozal Legeak ezarritako isunetan. Datu horien arabera, Gipuzkoan da kopururik handiena, ia 600.000€, Bizkaian 570.000€ baino gehiago, eta azkenik Araba, 120.000€ inguru.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Mozal legearen mehatxua  |  EAE

Mozal legearen mehatxua kanaletik interesatuko zaizu...
Hala Bedik Mozal Legearen auzia irabazi dio Eusko Jaurlaritzari

Mikel Saez Buruaga kazetariak Ertzaintzari eta Eusko Jaurlaritzaren segurtasun sailari irabazi die epaitegietan, Hala Bedik informatu duenez. Cristina Ruiz Oteiza epaileak Mozal Legea erabiliz jarri zioten isuna bertan behera eta eraginik gabe utzi du. Hala Bediko kazetariari telefono mugikorra apurtu eta 602 euroko isuna jarri zioten Errekaleor auzo autogestionatuan argindarra moztu nahian Ertzaintza egiten ari zen operazio baten berri ematen ari zela. Irrati libreko kideek epaitegietara jo... [+]


2019-04-02 | Z. Oleaga
Mikel Saenz de Buruaga, Hala Bediko kazetaria, epaitegien aurrean
"Jokoan ez dago gure kasua, guztion eskubideak eta kazetarion lanerako eskubidea baizik"

Bi urte luzeren ostean, eta Hala Bedik ordaintzeari uko egin ostean, heldu da azkenik Mikel Saenz de Buruaga kazetariaren aurkako epaiketa. Jende andana bildu da astearte goizean Gasteizko epaitegietan, irrati libreak deituta, kazetariari eta bere jardunari babesa adierazteko. “Mozalik ez. Kazetaritza ez da delitua” zioen pankarta eraman dute elkarretaratzera.


2019-04-02 | Hala Bedi
Iritsi da Mozal Legea baliatuz Ertzaintzak zigortutako lehen kazetariaren kontrako epaiketa

Gertaeretatik ia bi urte pasa direnean eta bide administratibotik zigorra konfirmatu zenetik urtebete igaro denean, asteartean, apirilaren 2an, Mikel Sáenz de Buruaga Hala Bediko kazetariaren kontrako epaiketa burutuko da. 2017ko maiatzean Gasteizko Errekaleor auzoan jazotako polizia-operazioa grabatzeagatik Herritarren Segurtasunerako Legea aplikatu zioten Ertzaintzak eta Eusko Jaurlaritzak. Mozal Legea aplikatuta, Jaurlaritzak zigortutako lehen kazetaria da. Egun berean 11.30ean... [+]


2019-03-29 | ARGIA
Ertzaintzak Mozal Legeaz zigortutako lehen kazetariaren epaiketa apirilaren 2an izango da

Hala Bedi irratiko Mikel Saenz de Buruaga kazetariari "Herritarren Segurtasun Legea" (Mozal Legea izenez ezaguna) aplikatu zioten Ertzaintzak eta Eusko Jaurlaritzak, 2017ko maiatzean Errekaleorren polizia operazioa grabatu izanagatik. Alegazioetarako bide administratibo guztiak agortu ostean, Hala Bedik 2018ko apirilean iragarri zuen auzitegitara joko zuela, "informatzeko eskubideari eginiko erasoa delako". Apirilaren 2an izango da epaiketa, eta Hala Bedik elkarretaratzea... [+]


2019-03-26 | ARGIA
Errepresioa eta protesta sozialen kriminalizazioa jo-puntu, Bilbon burutuko diren jardunaldietan

Martxoaren 29tik 31ra bitartean Bilbon egingo diren “Errepresioaren eta protesta sozialen kriminalizazioaren kontrako jardunaldiak” aurkeztu dituzte asteartean.


2019-03-03 | Axier Lopez
Lander Arbelaitz Mitxelena
"Kazetaritzan garai zailak datozela dirudi"

2018ko maiatzaren 21ean, Donostiako kaleetan, ARGIAko kazetari Lander Arbelaitzek hizkuntza eskubide urraketa baten berri eman izana “iraintzat” jo dute bi ertzain erdaldunek. Ertzaintzak barkamena eskatu du egun horretan gaizki jokatzeagatik eta ARGIAk euskaltzale eta kazetarien babesa jaso du egindako lanagatik. Halere, martxoaren 20an, berriro ere, hedabide batek kazetaritzaren eta informazio askatasunaren defentsa egin beharko du epaitegietan.


2019-02-28 | ARGIA
Errepresioaren eta gizarte-protestaren kriminalizazioaren kontrako jardunaldiak Bilbon

Herritarren kriminalizazioaren aurkako plataformak antolatuta, martxoaren 29tik 31ra bitartean egingo dira jardunaldiak, Santutxuko Karmela Bizirik gune autogestionatuan.


2019-02-27 | ARGIA
Fined for Graffiti against Romantic Love

Accused of painting graffiti against romantic love on the evening before February 14th in Donostia (Basque Country), three young people have been punished under the Gag Law.  As well as complaining about how they were treated by the police, they have told Basque magazine ARGIA that they are not going to pay the fine. “The Gag Law, the police's attitude and other things which are happening are unacceptable. Which is why these people are going to refuse to pay the fine as an act of... [+]


2019-02-19 | ARGIA
Maitasun erromantikoaren aurkako pintaketak egitea egotzita hiru pertsona Mozal legeaz zigortu dituzte

Otsailaren 14aren bezperan maitasun erromantikoaren aurka Donostian pintaketa batzuk egitea egotzita Mozal Legeaz zigortu dituzte hiru gazte. Poliziaren tratua salatzeaz gain, ez dutela isuna ordainduko adierazi dute ARGIAra bidalitako oharrean. "Mozal legea, poliziaren jarrera eta ekintzak onartezinak dira. Horregatik, pertsona hauek uko egingo diote isuna ordaintzeari, desobedientzia moduan eta estatu zapaltzailearekin inondik inora ez kolaboratzeko".


Azkenak
EGILEA
Eguneraketa berriak daude