Militantzia politikoaren debekurik ez!
Asteartean eman zuten jakitera bost gazte lapurtarren kontrako sententzia. Hamabost hilabeteko espetxe zigorra gibelapenaz bi gazteri, 500 euroko isun banarekin; 140 orduko lan behartua eta 500 euroko isun bana beste bi gazteri; eta, azkenik, 1.700 euroko isuna beste gaztearentzat. Hori guztia nahikoa ez, eta manifestazioetara joateko debekua ere ezarri diete, eta hori da denen artean larriena. Are gehiago, horri guztiorri hilabeteetan pairatutako jarraipenak eta miaketak gehitu behar zaizkio, SIRASCO (informazio zerbitzua, inteligentzia eta delinkuentzia antolatuaren kontrako analisi estrategikoa) izan dutelarik ikerketa aurrera eramaten.
Sententziaren kondena guztiak aztertuta, ondorioa argia da: militantzia politikoaren kontrako sententzia bat da, gazte hauen konpromiso politikoa bertan behera uzteko asmoa duena. Hori ez da harritzekoa. Izan ere, bost gazte lapurtarrak militante izatearren izan dira epaituak, eta militante gisa izan dira kondenatuak. Beraz, argi eta garbi esan behar da: hau epaiketa politiko bat izan da. Horren erakusgarri dugu ekintza konkretu batengatik epaitu ordez, manifestazio eta ekintza politiko ugaritan parte hartzea leporatuta izan zirela epaituak. Horrenbestez, aurkezten zen proba aurkezten zelarik ere, sententzia idatzita zegoen, eta sententziak gazte hauek militantzia politikotik jokoz kanpo uztea izan behar zuen.
Konstituzio frantsesak dio Frantzian elkartzeko eskaerak egin eta helarazteko askatasuna eta eskubidea dagoela, betiere segurtasun publikoa edo ordena publikoa auzitan jartzen ez duen bitartean; hau da, manifestatzeko eta biltzeko eskubidea dago, frantziar estatuaren eta burgesiaren interesen kontra ez doanean. Konstituzio horrek Euskal Herriko zapalkuntza nazional eta soziala bermatzeaz gain, argi geratzen da barruan jasota dagoen paragrafo bakoitzak bere antitesia ere baduela: bere goi eta behe-ganbara, hots, askatasuna izenburu nagusian eta askatasunaren ezeztapena oin-oharrean.
Geuri dagokigu Euskal Herri mailan antolatu eta militantzia politikoaren kontrako erasoei aurre egingo dieten borrokak martxan jartzea
Eta hau horren adibide bat besterik ez da. Izan ere, Frantziako egun nazionala Euskal Herrian inposatzea eta zapalkuntza nazionala salatzeagatik edota erretreten kontrako erreformaren kontra borrokatzeagatik auzipetu dituzte nagusiki. Eta borroka horiek ez dira onargarriak frantziar estatuarentzat. Are gehiago, mehatxu bat suposatzen dute. Horren ondorioz kendu dizkiete gutxieneko eskubideak militante hauei, militantzia politiko bat aurrera eramateko ezinbestekoak direnak. Finean, beraien militantzia politikoa debekatu dute, sententzian horrela esplizituki jaso gabe.
Hala ere, kondena hau ez da soilik bost gazte horien kontrakoa, militante politiko ororen kontrakoa baizik. Eta mezua argia da: onargarriak ez diren mobilizazio eta borroka moldeak erabiltzen dituen pertsona eta antolakunde orok militante hauek izan duten patu berdina edo okerragoa izango dute. Horren ondorioz, soilik asimila eta onar ditzaketen borroka politikoak burutzea dute helburu, borroka iraultzailea suntsitzeko.
Horren guztiorren aurrean, Euskal Herrian horrelako erasoei aurre egiteko baldintzak sortzea dagokigu, ezin dugulako onartu militantzia politikoari trabak jartzerik eta are gutxiago debekatzerik. Erantzuna, aldiz, ezin dugu unean une eta tokian toki eman. Geuri dagokigu Euskal Herri mailan antolatu eta militantzia politikoaren kontrako erasoei aurre egingo dieten borrokak martxan jartzea, eta borroka horiek amnistiaren helburupean kokatu behar ditugu. Izan ere, errepresioaren kontrako borroka ezin dugu soilik modu defentsiboan ulertu. Errepresioa gauzatzen duen oinarria suntsitzeko borroka burutu beharra dugu, soilik horrela lortuko baitugu Euskal Herri Langilearen kontrako jazarpena gainditzea.
Beraz, hemendik, antolatzeko eta borrokatzeko deia luzatzen dut, errepresioaren kontra, militantzia politikoaren defentsan eta amnistiaren helburuaren alde arituko den borroka indartzeko.
Erori, zutitu eta segi, geurea baita garaipena!
Kai Karasatorre Martinez, Aske antolakundeko kidea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Setioa hausteko Palestinara janaria zeramaten aktibista batzuk atxilotuta jarraitzen duten bitartean, honako gogoeta hau:
Bigarren Mundu Gerra hasi aurretik, Hitlerrek beste herrialde batzuetako lurrak konkistatu bazituen ere, Mendebaldeko potentziek ez zuten ezer egiten... [+]
Gaur bi urte bete dira estatu sionistak Palestinako herriaren aurka martxan zuen genozidioa bizkortzen hasi zenetik. Bi urte, non haurrak, eskolak, ospitaleak eta ametsak bonben jomugan egon diren, munduaren isiltasunak krimen horiek estali dituen bitartean.
100 urte pasatxo... [+]
Gazako genozidioak presioa areagotu du entitate sionistaren kontra arlo askotan, eta sionisten konplizeetara ere heldu da. Shapir enpresa israeldarraren eskutik CAF Jerusalemgo tranbiaren proiektuan sartzea salatu du hasieratik BDZ mugimenduak. Sei urte pasatu dira jada. Gazako... [+]
Asilo-leku sakratua Erdi Aroko lege bat zen, zeinaren bitartez justizia atzetik zituztenek elizaren eta monasterioen babesari hel ziezaieketen. Akaso, bi mila urtetan ongia egin zuten apurra. Eta, jakina, ahal bezain azkar, lege hura desegitera jo zuten, desagertu zen arte. A ze... [+]
Bilboko Udalak iragarri du Lancor-Elgorriaga eta Consonni pabiloiak berehala eraitsiko dituela, eta segidan, Udalbatzan aurkeztu du lan horiek bizkortzeko proposamena, kontuan hartu gabe 80 pertsona inguru bizi direla bertan baldintza negargarrietan: euren ondasun urriak... [+]
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]
Gure alaba nagusia Euskal Udalekuetara joan zen lehen aldian, 2019an, eraldatuta itzuli zen. 15 egunetan hazi egin zen, eta ez fisikoki bakarrik; arrunt pozik zetorren, hunkituta eta bere abenturak kontatzeko gogo handiz; ezin genion jarraitu, horren azkar hitz egiten zuen... [+]
Gauza garrantzitsu asko gertatzen ari dira Palestinan, Euskal Herrian eta munduan. Espantu israeldarraren aurrean Euskal Herrian inteligentzia kolektiboa martxan dago, inoiz baino indartsuago. Jende ezberdin asko, toki ezberdin askotan, gauza ezberdin asko egiten ari da... [+]
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Aurtengo uda garaian 46 gradutara iritsi da tenperatura Espainia eta Portugaleko leku batzuetan. Europako beste leku batzuetan ere 40tik gorako tenperaturak izan dituzte, baita Euskal Herrian ere. Iaz baino tenperatura altuagoak izan ditugu eta aspalditxo izan ditugun handienak... [+]