Milaka pertsona mobilizatu dira Bartzelonan erakunde katalanak Espainiako Estatuaren erasoez babesteko

  • Igandean, 80.000 pertsona inguru bildu ziren Bartzelonan Kataluniako erakunde eta kargu hautetsiak Espainiako Estatuaren eraso judizialetatik babesteko. “Demokraziaren alde. Gure erakundeak defenda ditzagun” lemapean egin zuten ekitaldia. Kataluniarrentzat “mobilizazio egonkorraren ordua” iritsi dela azaldu zuten.


2016ko azaroaren 14an - 09:59
Ekitaldian 80.000 pertsona inguru bildu ziren (Arg.: ANC)

Omnium Cultural, ANC eta AMI elkarteek deituriko mobilizazioa izan zen. Katalunia guztitik 170 autobus mugitu ziren hiriburura. Elkarteen helburua Kataluniako prozesuaren judizializazioa salatzea zen. Maria Cristina etorbidean ospatu zen eta agerturiko jendetzaren eraginez autoei Espainiako Plazarako bidea itxi behar izan zitzaien.

Ekitaldiaren hasieran Espainiako Konstituzio Auzitegiak atzera botariko lege guztiak gogoratu zituzten, hainbat kasutan auziperatuta dauden hautetsien izenekin batera. Egun, 407 prozesu judizial daude irekita 259 udal katalanen aurka.

Omnium Cultural elkarteko  presidente Jordi Cuixartek konstituzionalak atzera botariko legeak gizarte legeak direla argudiatu zuen, arriskuan jartzen dena demokrazia izanik. Cuixartek gehitu zuen hautetsi bati eraso egiten badiote, herri osoari egiten diotela eraso. Bestalde, mobilizazio egonkorrerako deia egin zuen hitzaldian.

 ANCko presidente Jordi Sanchezek bide beretik jo zuen, kataluniarrena baino iraultza demokratikoagorik ez dagoela azpimarratuz. “Ez dugu axolagabe jokatuko Mas eta bere gobernua epaitegietara eramatean. Ez gara geldirik geratuko auzitegiak gure presidentea parlamentutik ateratzen saiatzen direnean”, azaldu zuen.

Auziperatuta dauden hainbat hautetsi ere igo ziren eszenatokira, besteak beste, Carmen Forcadell parlamentuko presidentea, Artur Mas presidente ohia, Irene Rigau, Joana Ortega eta Francesc Homs kontseilari ohiak eta Montserrat Venturós Bergako alkatea.

 


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude