Milaka lagunek babestu dituzte indarkeria matxistaren aurkako mobilizazioak Euskal Herrian
Emakumeen kontrako indarkeria salatzeko protesta eta elkarretaratzeak antolatu dituzte mugimendu feministek Euskal Herriko hiriburu zein udalerrietan.
Emakumeen kontrako indarkeriaren aurkako nazioarteko egunean, azaroak 25, Euskal Herriko kaleak kolore morez bete dituzte milaka lagunek indarkeria matxista gaitzesteko mugimendu feministek antolaturiko protestetan. Emakumeen bortxaketen aurrean biktima babesten ez duen sistemari, erantzun bateratua eman eta autodefentsa feminista aldarrikatuz erantzun diote.
Donostiako mobilizazioetan, Injustizia patriarkalaren gainetik, saretze feminista aldarrikatu dute. Maratoia dela eta, ezohiko bidea egin behar izan dute manifestaziora bertaraturiko askoren haserrerako. Bilbo eta Gasteizen ere jendetza bildu da bertako mugimendu feministek antolaturiko protestetan.
Mobilizazioen arrakasta ere ez da txikiagoa izan Nafarroako hiriburuan, Game Over, Indarkeria Sexistari kitto lemapean. Indarkeria matxistaren aurkako aldarriez gain, Skolae programaren aldeko oihuak entzun dira.
Euskal Herriko beste hiriburu eta udalerrietan erakutsi dute beren babesa egun osoan zehar egindako mobilizazio eta elkarretaratzeetan. Toki guztietan, indarkeria matxista salatu eta berarekin amaitzeko “benetako” politikak eskatu dituzte.
Jarraian, Iruñeko mobilizazioetako Ahotsa.info-ren bideoa:
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]