Mikroplastikoak disolbatzen dituzten nanohodiak garatu dituzte Australian

  • Nanohodi hauek bost milimetrotik beherako plastikoak disolbatzen dituzte, arriskurik gabeko gatzak, karbono dioxido eta ura askatuz.


2019ko abuztuaren 12an - 12:23
Mikroplastikoak.

Australiako hainbat unibertsitatetako ikertzaile talde batek plastiko txikiak katalizatzeko balio duten “nanobobinak” asmatu dituzte. Malguki forma duten hodi hauek nitrogenoz eta manganesoz daude inguratuta, eta hodixkekin kontaktuan sartzean oxigeno molekula erreaktiboak askatzen dituzte. Molekula hauek plastikoari “eraso egiten” diote eta disolbatzea lortzen dute.

Ikerketa Matter zientzia-aldizkarian argitaratu zuten uztailaren amaieran, eta ikertzaileek baieztatu dute erreakziotik askatzen diren gatzek, karbono dioxidoak eta urak ez direla ingurumenarentzat kaltegarriak. Laborategiko ikerketan ikusi dute plastiko txikiz kutsatutako uretan hodixka hauek botata elementu kutsatzaileen %30-45 arteko murrizketa dagoela.

Plastiko txikien kutsadura asko handitu da azken urteetan, eta egoera aldatu ezean arazo larri bihurtuko dira hurrengo urteetan. Xiaoguang Duan ikerketaren egileetako batek oraindik garatzen ari direla esan du: “Ikerketa kontzeptuen proba fasean dago, laborategian ari gara lanean”, adierazi du. Arazoaren larritasuna dela eta, gogorarazi du “prebentzioa dela irtenbide onena”.


Kanal honetatik interesatuko zaizu: Ingurumena
Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


2024-03-31 | Ula Iruretagoiena
Lurraldea eta arkitektura
Bestaldera begira

Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.

Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]


Nabigazioaren historiaren argazkia

2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]


2024-03-31 | Itxaro Borda
Open Bar

Ikusi ditugu alimaleko traktoredun nekazariak, bideak, zubiak, mugak blokeatzen, eta bihotzak “krak!” egin zigun elkartasunez, geu ere laborari haurrak garelako eta anaiak, oraino, etxaldeak aitzina eramaten tematzen direlako. Manifestariak entzun ditugu normak... [+]


Energia berriztagarria Aragoitik Gatikaraino eramateko linea elektrikoen zama

Energia berriztagarria sortzeko proiektuek aurrera egin ahala, horien elektrizitatea garraiatzeko linea proiektuak ere azaleratzen ari dira. Horietako batzuk, adibidez, Nafarroa, Araba eta Bizkaia zeharkatzen dituzte.


Eguneraketa berriak daude