Mia Klemp, Mediterraneo itsasoko uretan salbamendu-lanak egiteagatik hogei urteko kartzela zigorrari aurre egin beharrean

  • Itsasontzi bateko kapitaina de Klemp, eta Mediterraneo itsasoa zeharkatzen zebiltzan pertsona ugari erreskatatu izanagatik auzipetu dute. Epaiketan hogei urteko kartzela zigorrari egin beharko dio aurre.

ARGIA @argia
2019ko ekainaren 13a
Mia Klemp (Argazkia: @HelpRefugees)

Mia Klemp-en itsasontzia 2017an bahitu zuten Lanpedusako (Italia) portuan. Immigrazio ilegala bultzatzea leporatu zioten 36 urteko kapitainari, eta ikerketapean da ordutik. Italiako kostaldean nabigatzea debekatu dio Italiako Gobernuak. Alemaniako WDR irrati eta telebista publikoak adierazitakoaren arabera, Mediterraneoko uretan itotzeko arriskuan ziren 1.000 pertsonatik gora lagundu ditu Klemp-ek.

Epaiketaren zain da Klemp, eta Basler Zeitung egunkariari adierazi dioenez hogei urteko espetxe zigor eskaerari eta isun potoloei egin beharko die aurre. Kapitaina argi mintzatu da, eta adierazi du behar izatekotan Estrasburgora eramango duela kasua, Europako Giza Eskubideen Auzitegira: “Ez dut zigorrik espero. Eta Estrasburgora joan behar bagara, joango gara. Uko egiten diot pentsatzeari Europan kartzelara joan behar duzula laguntza beharrean diren bizitzak salbatzeagatik”.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errefuxiatu krisi globala  |  Italia

Errefuxiatu krisi globala kanaletik interesatuko zaizu...
Azkenak
EGILEA
Eguneraketa berriak daude