Belgikan erbesteratutako Kataluniako Generalitateko kontseilari ohia ezustean aurkeztu da Espainiako auzitegi Gorenean. Diru publikoa erabiltzeagatik eta desobedientziagatik auzipetu zuten, baina epaileak libre utzi du behin behinean ERCko politikaria.
"Nire konpromisoa mantendu nahi dudalako nago hemen". Hala adierazi du Meritxell Serret ERCko politikari eta Puigdemonten gobernuko Nekazaritza kontseilari ohiak Madrilen, Espainiako Auzitegi Gorenetik irten denean. Serret Bruselan zegoen erbesteratua 2017ko urritik, diru publikoa erabiltzeagatik eta desobedientziagatik auzipetu baitzuen Espainiako Justiziak.
Ezustean agertu da Espainiako hiriburura, bere alderdiko kideek eta beste hainbatek lagunduta, Iñigo Iruin abokatua ondoan zuela. Goreneko epaile Pablo LLarenak libre utzi du behin behinean baldintzarik gabe eta apirilaren 8an deitu du berriz deklaratzera. "Beti izan dut itzultzeko asmoa eta orain diputatu hautetsi naizenez, uste nuen momentua zela", azaldu du. Kataluniako politikagintzara itzultzeko asmo irmoa erakutsi du.
Epaileak, politikari independentista libre uzteko, argudiatu du ezin izan dela frogatu bere sailean diru publikoa erabili zenik Urriaren 1eko erreferenduma antolatzeko, eta auzipetuta zeuden gainerako karguak absolbitu egin zituztela akusazio horretatik. Serret da erbesteratu politiko katalanen artean itzuli den lehena eta Gabriel Rufian ERCko alderdikideak bere "ausardia" nabarmendu du.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]