ARGIA.eus

2020ko urriaren 25a

Mas ez dadila presidente izan eskatu dute ezker independentistako 140 pertsonak

  • Per un gir a l´esquerra izeneko manifestua sinatu dute Kataluniako ezker independentistako hainbat lagunek CUPek irailaren 27ko hauteskundeen ostean hartutako jarrera babesteko.

Asier Arrate Iruskieta @AsierArrate
2015eko azaroaren 30a
Norabide aldaketa bideratuko duen presidenteak “aldaketarako borondate hirukoitza” irudikatu behar duela adierazi dute.

Sinatzaileek norabide aldaketa eskatu dute ezkerrerantz eta aldaketa hori bideratuko duen presidentea. CUPek Manresan egindako eztabaida nazionalaren aurreko egunean aurkeztu zuten manifestua. Mas presidente ez inbestitzeko argudio ugari bildu dute. CUPek jakinarazi du manifestuaren berri eman zietela, baina ez duela izan eraginik batzarrean erabakitakoan.

Manifestuan eskatu dute garai politiko berrian erakundeetan dauden pertsonak ustelkeriarekin loturarik ez izatea. Garrantzi handia eman diote politika sozialen alde egiteari ere. Politika horiek ezinbesteko ikusten dituzte Kataluniak bizi duen egoerari aurre egiteko. “Errealitate” horren erantzule Generalitatea egin dute: “2010etik hona ezarri duten austeritatearen ondorio da gaur egun bizi duguna”.

Espainia ere jarri dute jomugan: “Ezin dugu onartu eta ez dugu ontzat hartuko prozesu katalanaren irtenbideak Espainiako murru judizial eta bunker demofoboarekin talka egitea”. Espainia estatu “demofobo” eta “eskubide zibil, nazional eta demokratikoekiko oldarkortzat” jo dute. 40 urteren ostean, azkenera iritsi den eta gainditu behar den erregimenaren adibidetzat jarri dituzte LOMCE legea eta Mozal legea.

Hori bideratuko duen presidenteak “aldaketarako borondate hirukoitza” irudikatu behar duela adierazi dute: askatasun politikoa, justizia soziala eta erradikaltasun demokratikoa.

Manifestua sinatu dute besteak beste: Joan Subirats zientzia politikoetako katedradunak, Manuel Delgado antropologoak, Josep Manuel Busqueta CUPeko diputatuak, Teresa Forcades eta Arcadi Olivares Procés Constituent-en sortzaileak, Cesk Freixas kantautoreak eta Oleguer Presas futbolari ohiak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Katalunia independentziarantz  |  Artur Mas  |  CUP

Katalunia independentziarantz kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude