Martxoaren 3ko bisitak berriro martxan
Dagoeneko 5.000 lagunek baino gehiagok hartu dute parte Zaramaga auzoaren bihotzean egiten diren bisita gidatuetan. Ikasturte berrirako webgune berria eta ikastetxeekin harremanak martxan jarri ditu Martxoak 3 Elkarteak.
Azken urteotan, Martxoak 3 Elkarteak "memoria gazteei transmititzeko" ekimen ezberdinak bultzatu ditu ikastetxeetan, besteak beste, hitzaldiak, proiekzioak eta 2014an sortutako unitate didaktikoak.
Azken hauek "inflexio-puntu bat" sortu zutela uste du elkarteak. 2016tik eskaintza handitu egin dela azaldu dute, Martxoaren 3ko Memorial elkarreragilea sortu zenetik, hain zuzen ere.
Bisita hauek hiru hizkuntzatan egin daitezke: euskaraz, gaztelaniaz edo ingelesez. Baldintza bakarra ezartzen du Martxoak 3 Elkarteak bisita gidatuak egin ahal izateko: "8 eta 35 pertsonen arteko talde bat izan behar da". Hortik aurrera, edozeinek parte har dezake eta, gainera, bisita doakoa da.
Txaro Arrazola, Marta Gil, Veronica Werckmeister, Sandra Santos eta Irantzu Lekue artistek egindako artelanak ikus daitezke audiogida baten laguntzaz egiten den bi ordu inguruko ibilbidean. Audiogida horretan, Juan Ibarrondo idazle gasteiztarrak idatzitako kontakizun bat entzuten da.
Garai hartan aurrera eraman ziren borrokak ulertzeko "giro ezin hobea sortzen" dela azaldu dute Martxoak 3 Elkarteko lagunek. Azkenik, San Frantziskoko elizaren barruan amaitzen da ibilbidea eta hileta azaltzen duen bideo bat ikus daiteke bertan.
Memoriaren bulkada berriak
"Dinamika arrakastatsu honekin" jarraitu nahi duela jakinarazi du Elkarteak, "bisita berriak bultzatuz". Horretarako, tresna ezberdinak darabiltzate: garrantzitsuena, memorialaren webgunea. Webgune honetan, Memorialaren inguruko informazio guztia eta erreserbak egiteko argibideak dituzte.
Bisita gidatu hauek "oraindik ibilbide handia" dutela azpimarratu dute, "Gasteizen zein beste lekuetan". Izan ere, datuak oso onak direla azaldu dute: 2016an, 3.032 lagunek parte hartu zuten; 2017an, 876k; 2018an, 469k; eta 2019an, ekainera arte, 649k.
Guztira, beraz, 5.026 pertsona ibili dira Zaramaga auzoko memoria-lekuetatik. Besteak beste, fabrika, merkatua, eliza edota auzoko kaleak daude ibilbidearen barruan.
Bide parlamentarioa egin beharko du orain. Lege testu honen arabera, 30 urteko epea ezarriko dute sekretuak desklasifikatzeko, eta 45 urtekoa "goi mailako" sekretuendako. Bakoitza hamabost urtez luza daiteke.
Hiru bideo dira (albiste barruan ikusgai). Batak jasotzen du, grebak antolatzea leporatuta, Carabanchelen espetxeratu zituzten Jesús Fernandez Naves, Imanol Olabarria eta Juanjo San Sebastián langileak espetxetik atera ziren unea, 1976ko abuztuan. Beste biak Martxoak... [+]
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Martxoak 3ko sarraskiaren 49. urteurrena beteko da astelehenean. Grebetan eta asanblada irekietan oinarritutako hilabetetako borroka gero eta eraginkorragoa zenez, odoletan itotzea erabaki zuten garaiko botereek, Trantsizioaren hastapenetan. Martxoak 3 elkartea orduan... [+]
1976ko martxoaren 3an, Gasteizen, Poliziak ehunka tiro egin zituen asanbladan bildutako jendetzaren aurka, zabalduz eta erradikalizatuz zihoan greba mugimendua odoletan ito nahian. Bost langile hil zituzten, baina “egun hartan hildakoak gehiago ez izatea ia miraria... [+]
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
ELA, LAB, ESK eta STEILAS sindikatuek eta M3 elkarteak "herrikoia eta sozialki plurala" den memoria eguna "errepresiorik gabe" egitea eskatu dute. Eusko Jaurlaritzari zuzendutako eskaera da, "iaz ez bezala", aurten manifestatzeko eskubidea bermatzeko... [+]
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.
Otsaila hilabete garrantzitsua izan da Gasteizko Martxoak 3aren Memoriaguneari begira. Hiru urteko prozesuaren ondoren, hilaren 14ean sinatu zuen Martxoak 3 elkarteak hitzarmena Gogora institutuarekin. Egun bat beranduago, Martxoak 3 Memoriagunea fundazioaren sorrera argazkia... [+]
Gasteizko Zaramaga auzoko San Frantzisko eliza birmoldatzeko EH Bilduk Espainiako Gobernuarekin hitzartutako diru-partida ez du erabiliko Eusko Jaurlaritzak, ez delako eraikinaren "jabe ezta onuradun ere". Hala, Martxoaren 3ko Memoriaren Gunearen proiektuak aurten ere... [+]