Liztor asiarrak Araban aurten 500 habia jarriko dituela aurreikusten du Aldundiak

  • Vespa velutinak Araban duen eragina gutxitzeko ekintzen koordinazioa hobetu eta azkartasuna eta eraginkortasuna handitzea da asmoa.

Artikulu hau CC BY-SA 3.0 lizentziari esker ekarri dugu.

2016ko uztailaren 22an - 09:27
Liztor asiarra erlez elikatzen da eta egoera estuan jartzen ari da bertako erlea. (Arg.: Elhuyar).

Espezie inbaditzaile honek biodibertsitatean nahiz pertsonengan duen eragina gutxitzea da helburua, habiak azkar detektatuz eta suntsituz, eta erregina fundatzaile berriak finkatzea galaraziz. Izan ere, Aldundiak aurreikusten duenaren arabera, aurten habiak nabarmen gehituko dira: 500 habia baino gehiago izango direla uste da, iaz 170 izan zirelarik.

Araban Asiako liztorrak detektatu ziren lehenengo aldia 2012ko irailean izan zen. Arabako Foru Aldundiak eta Neiker-ek Arabako erlezain elkarteekin elkarlanean ipinitako detekzio tranpen bidez harrapatu ziren liztorrak. Urte horretan bertan, Asiako liztorren lehenengo bi habiak aurkitu ziren, Aramaion. Harez geroztik, 8 habia suntsitu ziren 2013an, 24 habia 2014an eta 170 habia 2015ean. Espezie honen aurrerapena oso nabarmena da, Bordelen 2014an eta Hondarribian eta Baztanen 2010ean detektatu zenetik.
 
Protokolo berriak kontrol ekintzak koordinatzen ditu, baita trebakuntza eta zabalkunde ekintzak ere. Hain zuzen ere, suhiltzaileak (Aldundiaren, Aiarako eta Gasteizko SISEU) arduratuko dira herriguneetako eta inguruetako habiak, baita eremu berezi edo arrisku eremuetakoak ere, identifikatu eta suntsitzeaz. Aldundiaren basozaintzak eta miñoiak arduratuko dira lan horretaz natura eremuetan edo herrietatik kanpoko inguruetan. Era berean, onartutako protokoloan jasotzen da beste administrazio batzuetara jotzeko aukera, bitartekoak nahiko ez izatekotan.
Gomendioak
Aldi berean, herritarren laguntza ere eskatzen du Foru Aldundiak. Asiako liztorren habiarik detektatzekotan, Sos Deiak-en 112 telefonoaren bidez abisatu behar dute. Telefono horretan zentralizatuko dira deiak, eta kokalekuaren arabera banatuko dira.
 
Alde horretatik, Aldundiak gogorarazten du, Frantziako osasun agintariek eskainitako datuen arabera, –han espezie honen presentzia hedaturik baitago– ez dela handitu liztorren eztenkadengatik egindako osasun esku-hartzeen kopurua.
Habien erregistro ofiziala
Espeziea gehiago kontrolatzeko, Asiako liztorren habien lurraldeko erregistro ofiziala sortu du Diputazioak. Programa informatiko berria da, sarbide mugatua duena, informazio guztia unean bertan online jasotzea ahalbidetzen duena. Era horretan, datuen integrazioa atzeratzea ekidin nahi da, baita identifikazio bikoiztasunak ere. Gainera, programak ahalbidetuko du habiak aurkitu diren leku guztien eta horien egoeraren erregistro zehatzagoa edukitzea.
 
(Albistea hau Arabako Alea-tik ekarri da CC-by-sa lizentzia baliatuta)

Kanal honetatik interesatuko zaizu: Erlea
2024-05-27 | Jakoba Errekondo
Bertan bertan... erlesemeari

Maiatzak 4 zituen, larunbatarekin. Ez zen giro bereziki beroa, baina bai, hotzik ez behintzat. Halako batean burrunda, burrunda galanta, aspaldi entzun gabekoa. Hor azaltzen da etxeko atarian erle pila, milaka erle hegan, hegada sinkronizatu dotorean, dunbots batean. Erlesemea.


Erleetan nork du agintea?

Erlauntza batean erregina bakarra dagoenez eta denen ama denez, bera dela agintari esaten da, baina ez da erabat zuzena. Erregina oso garrantzitsua da, baina erabaki garrantzitsuenak erle langileek hartzen dituzte.


Lan banaketak

Gizakiok ez bezala, erlauntzako hiru partaideek jaiotzetik dituzte eginkizunak argi.


2024-05-06 | Garazi Zabaleta
Erlauntzako airea arnastearen onurak

Eladi Balerdi erlezainaren eta Jose Manuel Atxaga erleen zale sutsuaren arteko elkarlanetik egitasmo berritzailea sortu da duela gutxi. "Arnastu erlauntzaren airea" eta "Erleen sauna" jarduerak proposatu dituzte, konbentzituta baitaude onuragarri direla... [+]


2024-02-15 | Estitxu Eizagirre
Mikaela Untsain, erlezaina
“Erlezainik gabe, erleak jada ez dira gai beraien kabuz aurrera egiteko”

Azkainen izan da Mattin Jauregi Egonarria saioko aurkezlea eta erlezaina, mundu horretan erreferentea den Mikaela Untsainen etxean. Erleak iraun dezan gaur egun erlezainen beharra dagoela azaldu dio, erlezainik gabe galdu egingo dela. Zein oinarriren gainean lan egiten duen... [+]


Eguneraketa berriak daude