Joan den astean, urtarrilaren amaieran, 300 emakume errefuxiaturen askatasun aldarriak hartu zituen Lesboseko hiriburuko, Mitileneko, kaleak, La Directa hedabide katalanak kaleratu duenez. Irla honetan, greziar irletako hirugarren handiena, 100.000 biztanle bizi dira, eta 20.000 errefuxiatu. Hauetatik erdia inguru, emakumeak.
Urtarrilekoa manifestazio ez-mixtoa izan zen, aitzindaria eremu honetan. Beraien oinarrizko bizi-baldintzak ez errespetatzea salatu zuten. Izan ere, 3.000 pertsona hartu ditzakeen duen Moriako errefuxiatu-kanpalekuan 17.000 errefuxiatu daude bizirauten. Honek ondorio zuzenak ditu kanpalekuetako biztanleriarengan, batez ere emakumeengan, oinarrizko azpiegitura eta zerbitzuak betetzen ez direnez, gaixotasunak ohikoak baitira.
Lesbosen dauden errefuxiatuen egoera larria da, hilabeteak edo urteak egon daitezke errefuxiatu estatusa lortzeko, eta ordura arte ezin dute uhartetik alde egin. Greziar gobernu berriak, gainera, asilo eskaerak onartzeko legea zaildu egin du.
Azken egunotan beste hainbat manifestazio izan dira uhartean, askatasun aldarri berarekin. Poliziek kargatu egin dute manifestarien kontra, Niusek kaleratu dituen irudietan ikus daitekeen bezala.
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]