Legutioko "Desjabetuon Hotela" desalojo arriskuan egon daitekeela ohartarazi dute
Hilabeteko epean Legution abiatutako "Desjabetuon Hotela" proiektuaren aurkako sententzia exekutatzeko arriskuaz ohartarazi dute bertako kideek. Egoera honen aurrean Desjabetuon Hotela "beharrezko dela" azpimarratu eta "langileon kontrolpeko espazioak" defendatzeko deia zabaldu dute.
15 urtez hutsik egon ostean, Legutioko gazte talde batek iragan abenduan okupatu zuen herri erdian aurkitzen den LERIMONTE S.L enpresaren eraikina, “Desjabetuon Hotela” proiektua martxan jarriz. Bertako kideek eraikina desalojo arriskuan egon daitekeela ohartarazi dute.
9 hilabeteko ibilbidean, eraikina 15 urtez hutsik mantendu duten jabeek jarritako oztopoei aurre egin behar izan diete. Otsailean zen ospatzekoa “Desjabetuon Hotelaren” aurkako epaiketa baina Covid-19aren pandemiak prozedura judiziala luzatu egin du. Orain, hilabeteko epean, proiektuaren aurkako sentenzia exekutatu daiteke eraikina desalojo arriskuan jarriz.
“Ez dugu amore emango”
Proiektuko kideek hilabete luzteako lana goraipatu dute: “antolakuntza eta elkartasun proletariorako espazio bilakatu dugu hutsik zegoen hotela”. Beste lanketa batzuen artean, herrian egonkortu egin den Elikagai Bankua jarri dute “Desjabetuopn Hoteletik” martxan azken hilabetetan.
LERIMONTE S.L da hotelaren jabea eta proiektuko kideak bertatik botatzeko lanetan ari dena. Legutioko gazteek salatu egin dute enpresak ez duela erakina hutsik mantentzea beste helbururik: “burgesiak bere irabaziak eta boterea handitzeko interesa soilik duela ondo dakigu, betse guztioi interes hauetara subordinatuak egotera inposatuz“.
Egoera honen aurrean, proiektuaren “beharrezkotasunean” berretsi dira bertako kideak eta espazioa defendatzeko deia zabaldu dute: “langileon kontrolpeko espazioak defendatu behar ditugu, eraiki nahi dugun bidean pausu errealak emateko baldintzak baitira”.
Desjabetuon Hotela defendatu, gurea klase elkartasuna! pic.twitter.com/MLrtVsjCFi
— Desjabetuon Hotela (@desjabetuon) September 24, 2020
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]