Ekainaren 13rako zegoen emanda gaztetxea husteko agindua, eta hori ekiditeko hamarnaka gazte bildu dira han goizean goizetik. Herriko kalerik nagusienetako bat moztu dute ordubetez, eta polizia haien aurka oldartu da; zenbait gazte zauritu dituzte, eta bi kazetari identifikatu. 19:00etarako elkarretaratzea deitu dute.
Astelehen honetarako, ekainaren 13rako, zegoen aginduta Laudioko Gaztetxearen hustea. Gazteak 09:00etatik bildu dira gaztetxeko sarreran protestan, Lamuza parkean. Zumalakarregi etorbidea moztu dute ordubetez, herriko kale nagusietako bat dena, eta Udaltzaingoa bertaratu da trafikoa bideratzera, auto ilarak baitzeuden. Geroago Ertzaintza agertu da eta gazteen aurka oldartu. Aiaraldea hedabideko Txabi Alvarado Bañares kazetariak bideo batean bildu ditu gertakariak, eta jakinarazi du hainbat gazte zauritu dituztela poliziek borrekin jota.
Halaber, gertakariak jasotzen ari ziren bi kazetari identifikatu dituzte, eta kargaren irudiak grabatzen ari zen beste gazte bat “mozal legearekin mehatxatu” dute, Aiaraldeak zehaztu duenez.
Hori guztia salatzeko elkarretaratzea egingo dute 19:00etan, Herriko Plazan.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Kontzertuetarako materiala eta baliozko tresnak eraman dituzte.
Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.