Lan-erreforma dekretuz onartu nahi du Manuel Vallsek

  • Ezohiko ministroen kontseiluak baimena eman du astearte arratsean Frantziako Gobernuak ezarri nahi duen lan-erreforma dekretuz onartzeko, Asanblada Nazionalaren bozka saihestuz. Lan-erreformak Frantziako Estatuan duen aurkakotasunak bultzaturik dator erabakia. PSko sektore ezkertiarrena ere ez dago oso kontent erreformarekin, Berriak jaso duenez.


2016ko maiatzaren 11n - 10:42
Lan-erreformak Frantziako Estatuan duen aurkakotasunak bultzaturik dator erabakia. (Arg: Nuit Debout)

Parlamentuko gehiengoak ez du lan-erreforma babesten. Testuaren bigarren artikulua da polemika gehien piztu duena: hitzarmen kolektiboen gainetik jartzen ditu enpresen hitzarmenak. Dekretuari aurre egin nahian, zentsura-mozioa lantzen ari dela jakinarazi du oposizioak.

Lan-erreforma dekretuz onartzea ahalbidetzeko erabakiak Frantziako Konstituzioaren 49.3 artikulua erabiltzea ahalbidetzen dio Manuel Valls lehen ministroari; 48 orduko epean zentsura moziorik aurkeztu ezean, bozketa gabe onartu ahal izango du legegaia. Frantziako Gobernuak 2015ean erabili zuen azkenekoz Konstituzioaren 49.3 artikulua, Emmanien Macron Ekonomia ministroak bultzaturiko Macron legea onartzeko.

Manuel Vallsek zentsura mozioa gainditzea lortuko balu, Senatura igaroko litzateke lan kodearen erreforma; Ganbera horretan eskuina da nagusi eta orain arte lan-erreformaren aurrean izan duen jarrera ikusirik, litekeena da aldaketa batzuk egitea. Hala balitz, Asanblea Nazionalera itzuliko litzateke erreforma proposamena. Manuel Vallsek bigarrenez erabili beharko luke Konstituzioaren 49.3 artikulua.

Gizarte sektore ugariren ezinegona eragin du eta erreforma proposamenaren aurkako mugimenduak sortu dira azken hilabeteetan, Nuit Debout ezagunena. Ipar Euskal Herrian ere protestan ari dira erreformaren aurka. Astearte goizean Arrangoitzeko ETPM enpresa blokeatu zuen Jusqu'au Retrait kolektiboak.

“Ezinbestekoa”

Manuel Vallsek iritzi du lan kodearen erreforma “ezinbestekoa” dela eta oposizioaren jarrera kritikatu du, “konpromisoz” jardun beharrean, erreforma blokeatu nahian ari direlako. “Herriak aurrera egin behar du”, adierazi du.

Bere aldetik, erreforma proposamena diseinatzerako orduan Parisek erakutsiriko negoziazio prestutasuna azpimarratu du Myriam El Khomri Lan ministroak:  "Elkarrizketarako borondate zintzoa erakutsi dugu. Mila zuzenketa aztertu ditugu, eta heren bat onartu dira".


Kanal honetatik interesatuko zaizu: Frantziako lan-erreforma
2018-05-25 | Mikel Asurmendi
“Marée populaire” herri uholdea izanen da larunbatean Baionan zerbitzu publikoen defentsan

Duela bi hilabete, 3.500 pertsona manifestatu ziren Baionan, Emmanuel Macron presidenteak ezarritako erreforma politikoaren aurka eta zerbitzu publikoen defentsaren alde. Larunbatean, hilak 26, orduan bezala, manifestariak tren geltokitik abiatuko dira, goizeko 10:30ean.


2018-03-23 | Mikel Asurmendi
Zerbitzu publikoen aldeko greban 500.000 jende karrikan Hexagonoan, 15.000 Baionan

Zerbitzu publikoen langile kopurua gutxitu nahi du Emmanuel Macronek. Funtzio publikoetako sei eremu berrituko zuela agindu zuen presidente izendatua izan aitzin. Gobernuaren eta sindikatuen arteko hirugarren oldartzea izan zen atzoko greba. Hitzarmen soziala finkatzeko... [+]


2017-09-18 | Mikel Hiribarren
Macron lehendakariari zer oihukatuko zaio karriketan udazken honetan?

Politikariek menpera dezatela ekonomia jendarteko herritar guzien onetan, bereziki ahulenaren fagoretan eta ez bakarrik indartsuaren abantailetan. Langile eta laborariek ukan dezatela demokrazian merezi duten errespetua eta beren lanak zuzen den saria. Karriketan hori da... [+]


Parisko Errepublika plaza gau eta egun okupatzeko deia egin du Nuit Debout mugimenduak

Ekainaren 28tik gutxienez uztailaren 10era arte, Parisko Errepublika plaza modu iraunkorrean okupatzeko dei egin du Frantziako Nuit Debout mugimentuak.


Eguneraketa berriak daude