Laborantza elikatzaile baten alde

  • Lurrama  azokaren 13. ekitaldiaren atarian gaude. Azaroaren 16, 17 eta 18an, Miarritzek ehunka bisitari jasoko ditu. Poitou-Charentes eskualdeko laborariak dira aurtengo gonbidatu bereziak.

Mikel Asurmendi @masurmendi
2018ko azaroaren 07a
Lurrama XIII. edizioaren aurkezpena Miarritzeko Herriko Etxean. (Argazkia: Isabelle Miquelestorena).

ELB sindikatuko laborariak dira Lurrama ekimenaren antolatzaile nagusiak. Aurten, Laborantza Politika Bateratua (LPB) hartu dute gai nagusitzat, izan ere, “laborantzaren xede behinena elikadura ekoiztea baita”, beren eletan.

Lurramak kalitatezko elikagaiak ekoizten dituen laborantza sostengatzen du, eta lurralde bakoitzaren elikadura burujabetza hartzen du betebehar nagusitzat. Halaber, “bide horretan, LPBren bidez laborantza herrikoi eta familiarra sustatu behar dela”, diote ekimenaren bultzatzaileek.

3.000 bisitari espero dituzte. Larunbatean, hogei elkartek lehiaketa gastronomiko batean parte hartuko dute, ondoren usaiako Zikiro-jana izanen da. Igandean, hemezortzi sukaldari eta gozogilek hainbat jaki preziatu atonduko dute.

Halaber, Lurramak urtero bezala, ostiralean, lehen egunean, haurrak eta lurraldeko ikastetxe askotako ikasleak hartuko ditu. 1.000 lagun inguruk profitatuko dute Ipar Euskal Herriko sektore gero eta zabalagoak lantzen duen laborantza molde eta ereduaz.

Lurramaren egitaraua geroz eta oparoagoa da urtetik urtera. XIII. edizioan aurreko urteetan izandako arrakasta erdietsiko dutelakoan ari dira lanean.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Lurrama  |  Miarritze

Lurrama kanaletik interesatuko zaizu...
2018-11-19 | ARGIA
10.000 bisitari pasatu dira 2018ko Lurrama feriatik

Hamar mila jende hurbildu da asteburuan zehar Miarritzen burutu den Lurrama feriatik, antolatzaileek astelehenean azaldu dutenez. Azokako parte hartzaile eta bisitarien zerbitzuak bermatzen 900 boluntario aritu omen dira.


2015-10-23 | Etxalde
Lurraman klima aldaketa izango da gai nagusia eta Normandia gonbidatua

Azaroaren 6, 7 eta 8an Miarritzeko Irati gelan burutuko da 2015eko Lurrama feria. Klimaren babesaren eta nekazaritzaren arteko lotura azpimarratuko da bertan eta Normandiako nekazaritza izango du gonbidatu nagusi. Xehetasunak Maryse Cachenaut Lurramaren lehendakariak eskaini ditu.


Azkenak
EGILEA
Eguneraketa berriak daude