Kuba ebolaren aurkako borroka gidatzen, Mendebaldeak bere mugei begiratzen dien bitartean

  • 165 osasun langile kubatar iritsi dira joan den astean Sierra Leonara, 461 pertsonako taldearen lehen txanda. Bitartean, herrialde aberatsek segurtasuna eta birusa beraien mugetan ez hedatzea dute jomugan.


2014ko urriaren 14an - 00:00
Azken eguneraketa: 2015-02-26 13:37:33
Nazioarteko laguntza taldeetan oso parte hartze handia izan ohi du beti Kubak. Egun, 50.000 osasun langile kubatar daude 66 herrialdetan zehar sakabanatuta. (Arg: www.theguardian.com)

Ebolaren kutsadura tasa murrizteko, nazioarteko giza laguntza handia ezinbestekoa dela adierazi zuen NBEko idazkari nagusiak, Ban Ki-moonek: “Hogei aldiz biderkatu behar dira baliabide guztiak: mediku trebatuak, ibilgailuak, laborategi mugikorrak…”.

Hala ere, nazioarteko erantzuna ez da esperotakoa izan. The Guardianek argitaratu duenez, gaur arte ebolaren aurka borrokatzera joan den talderik handiena Kubako irlatik atera da. Ez Brasilek, ez Txinak, ezta Frantzia edo Erresuma Batua bezalako potentzia kolonial ohiek ere, ez dute pausorik eman.

Mendebaldeko gobernuek, beraien segurtasuna xede, euren herrialdeetako ebola kasu isolatuei eman diete garrantzia, Afrika hegoaldeko izurritean arreta jarri ordez. The Guardianen arabera, nazioarteko laguntza lehenago iritsi izan balitz, baliteke birusaren agerraldia errotik moztuta egotea honezkero.

Kuba, laguntza humanitarioen lehen postuan

Nazioarteko laguntza taldeetan oso parte hartze handia izan ohi du beti irlak. Egun, 50.000 osasun langile kubatar daude 66 herrialdetan.

2010eko Haitiko lurrikararen ostean ere, Kubakoa izan zen laguntzen aritu zen mediku talderik handiena, eta kaltetuen %40 artatu zituzten. International Medical Corpsen arabera, hondamendi hartan 400 estatubatuarrek eman zuten izena laguntza taldeetan; ebolaren aurkako taldean, berriz, hamar baino gutxiagok.

Dagoeneko Afrikan 300 mediku kutsatu izana da giza laguntza urriaren arrazoietako bat, baina dagoeneko gutxitu da tasa hori. Indiak, AEBek eta Japoniak, besteak beste, aurrekontu handiak hitzartu dituzte Afrika hegoaldean ospitaleak eraiki, eta oheak eta medikuak helarazteko.

Osasunaren Munduko Erakundeak (OME) dioenez, Sierra Leonan 10.000 osasun langileren beharra dago.


Kanal honetatik interesatuko zaizu: Ebola
2021-02-22 | ARGIA
COVID-19az gain, Ebola agerraldiak atzeman dituzte Afrikan

OME Osasunaren Mundu Erakundeak jakitera eman duenez, Kongoko Errepublika Demokratikoan eta Ginean atzemandako bi ebola agerraldiek aurrera egin dute. Nazio Batuen Erakundearen Osasun Agentzia birusa zergatik agertu den ikertzen ari da. OMEk gogorarazi du COVID-19a ez dela... [+]


Kongoko Errepublika Demokratikoa laguntzeko deia nazioarteari, ebolaren egoera larria dela eta

Ebola Gomara (Kongoko Errepublika Demokratikoa) iritsi da, Ruandatik 20 kilometrora dagoen hirira. Mugatik hain gertu dagoen hiri batera iritsi denez, Munduko Osasun Erakundeak nazioarteko intereseko larrialdi gisa sailkatu du egoera.


Salome Karwah
Ebolaren aurkako borrokaren sinbolo bihurtu zen emakumea hil egin da, medikuek laguntza ukatu ondoren

Salome Karwah liberiarrak ebola gainditzea lortu zuen 2014an. Otsailaren 22an hil egin zen, erditu ostean. Bere senideek salatu dutenez, medikuek ez zuten artatu nahi izan. Ebolaren inguruko estigmaz eta emakumeek Afrikako zenbait herrialdetan izurriteaz geroztik jasaten duten... [+]


2016-01-20 | Jon Torner Zabala
Davos 2016
Zer gai izango dute hizpide agintari politikoek eta enpresariek?

Robotak, terrorismoa, migrazioak edota desoreka sozialak izango dituzte hizpide Davoseko (Suitza) eski estazioan bildu diren agintari politikoek, enpresariek eta Leonardo DiCaprio bezalako hainbat pertsona famatuk. Urtarrilaren 23ra bitartean egingo den Munduko Ekonomia Foroak... [+]


Eguneraketa berriak daude