Korrika 18, Bilbora bidean

  • Korrikaren gaurko etaparen gehiengoa Bizkaian zehar izango da. Hainbat herritatik igaro ostean, arratsaldeko 17:30etan espero da Bilbora iristea. Bertan lau ordu eta erdi egingo ditu, lekukoa hainbat talde eta erakunderen eskuetatik pasaz, eta Etxebarrira abiatuko da hurrena (Hego Uribe).


2013ko martxoaren 21an - 00:00
Azken eguneraketa: 2015-02-26 13:37:33
Korrika 18 Bergaratik igarotzen, gaur goizaldean (argazkia: goiena.net)

Atzean utzi ditu Korrikak dagoeneko Gipuzkoako herriak. Bergaran hasi dute gaurko etapa, eta Urretxu, Zumarraga, Legazpi, Oñati eta Arrasate igaro dituzte. Ordu honetan Bizkaian zehar ari dira, hala nola Zornotza, Larrabetzu, Txorierri edota Derio zeharkatuz.Araban ere sartu-irten bat egingo dute Bizkaiako hiriburura iritsi aurretik.

Bertan aipatzekoak dira bi kontu. Alde batetik, Athletic Clubek San Mames zaharraren inguruan egingo duela bere kilometroa, zelaiaren 100 urteurrena dela eta. Bestetik, EH 11 Kolore iniziatibak jatorri guztiak, kultura guztiak eta gure herriko identitate guztiak batuko ditu euskararen aldeko lasterketan “Gora aniztasuna!” oihukatuz, Moyua plazan zehar.


Kanal honetatik interesatuko zaizu: Korrika
2024-03-25 | Leire Artola Arin
Burbuilaren ostean badago zer erein

Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]


Inoizko Korrikarik ikusiena izan da

1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.


Eguneraketa berriak daude