Generalitateko aurrekontuak onartu ez izanak bere jarraipenaren inguruko mozioa aurkeztera bultzatu du Puigdemont. Aurrera egiteko formula berrien bila dabiltza CUP eta Junts Pel Sí.
“Atsekabetuta nago, egonkortasuna bermatzen zuen akordioa hautsi dutelako”. Carles Puigdemont Kataluniako presidenteak Catalunya Rádion egindako adierazpenak dira, CUPek aurrekontuei emendakinak mantentzea erabaki ostean. Hala, iraileko konfiantza mozioari “ateak ireki” dizkio. Mozioan gehiengo sinplez gailendu beharko luke, eta behar besteko babesik jasoko ez balu, Puigdemontek kargua utzi eta hauteskunde berriak deituko lirateke.
CUPek independentziaren bidean jarraitu nahi duen zalantzan jarri du, eta esan du argi geratu dela ezkerreko alderdiak “beste lehentasun batzuk” dituela. Zehaztu du gauza bakarraz galdegingo diola mozioa bozkatzerakoan: “Inora ez daraman autonomismoaren eta Kataluniaren etorkizuna bermatuko duen proiektuaren artean aukeratzea”. Eulalia Reguant ezkerreko diputatuak La Xarxan esandakoen arabera, baina, horixe da betoa mantentzeko arrazoia: “CUP ez da aurrekontu autonomista batzuk kudeatzera etorri, eta hauek hala dira”.
Bere aldetik, Anna Gabriel CUPeko diputatuak RAC1 irratian azaldu du erabakiak independentziaranzko bide orria “berriz ere Gobernuaren mahai gainean ezarri” duela. Hala, konfiantza mozioak hura apur bat moldatzeko balio dezakeela uste du: “Oinarri berriak ezarri behar dira. Ez bide orri berria sortzeko, aldaketa batzuk egiteko baizik. Hain justu, horietako bat izan daiteke Aldebakarreko Independentzia Erreferenduma bertan txertatzea”. Gauzak horrela, “akordioa eta konfiantza hobetzeko lanean” aritzeko prestutasuna adierazi du, eta baieztatu du “bidea batera egiteko prest daudela”, nahiz eta azken hitza asanbladak duela zehaztu.
Gabrielek bezala, aldebakarreko erreferenduma defendatu dute azken hilabeteetan zenbait adituk. Puigdemontek, baina, aitortu du beraien lehentasuna estatuarekin adostutako galdeketa dela. Hala ere, ez dio aterik itxi eta aitortu du “mahai gainean dauden aukera guztiak aztertu behar direla independentziaren bidean”.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]