ETB

"Tribuaren berbak" berezia ETB2n

  • “Aprender euskera misión posible” saioa egingo du Kike Amonarrizek erdal katean. Euskararen inguruko mitoak eta datuak landuko dituzte, baita euskararen irakaskuntzaz testigantzak jaso ere.


2015eko irailaren 17an - 11:58
Kike Amonarrizek euskara ikasi nahi dutenentzako saioa egingo du. Argazkia: EITB.

 

“Tribuaren berbak” saioa modu dibulgatibo, interesgarri eta erakargarrian euskararen inguruan aritu zen, soziolinguistika telebistara eraman zuen. Arrakasta ederra lortu zuen. Euskaraz zen, euskaldunentzat, baina Kike Amonarrizek berak orduan zioen erdaldunentzako saioa egin beharko litzatekeela. “Tribuaren berbak” saioren bikoizketak edo azpititulatuak ez lukeela balioko zioen aurkezleak. Hala, helburuak saio berezitua egitea izan beharko zukeen.

Hari horri tiraka dator Aprender euskera, misión posible saioa. Besteak beste, ondoko galderei erantzuten saiatuko dira telebista saioan: Zenbat jendek ikasi du euskara? Zaila al da euskara ikastea? Jendeak zergatik ikasi du euskara? Soziolinguistak, poliglotak, euskaltegietako ikasleak eta kaleko jendea elkarrizketatuko dute.

Kike Amonarriz da zuzendari eta aurkezle eta Orio Ekoiztetxeak egin du saioa. Irailaren 21ean, 23:30ean emitituko dute ETB2n. Litekeena da gai berari lotutako saio gehiago eskaintzea aurrerantzean.

 


Kanal honetatik interesatuko zaizu: ETB
ETBk 40 urte
Ardatz bertikala, erabakien adierazle

40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]


2024-03-21 | Euskal Irratiak
Urtzi Urkizu
"Susmoa dut gizartearen parte handi batean badagoela kezka ETB-rekin"

Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]


Eguneraketa berriak daude