Espainiako Kongresuak apirilaren 8an esango dio ezetz Kataluniaren erabakitzeko eskubideari
Espainiako Diputatuen Kongresuan apirilaren 8an egingo dute Kataluniaren erabakitzeko eskubideari buruzko eztabaida.
Espainiako Gobernuak prozesua azkartu nahi izan du eta Alfredo Perez Rubalcaba PSOEko idazkari nagusiak Soraya Saenz de Satamaria Espainiako presidenteordearen proposamena onartu du: apirilaren 8ra aurreratuko dute eztabaida.
CiU, EAJ eta UPyDk bat egin dute erabakiarekin, hiru alderdiek gaiarekiko jarrera guztiz desberdina badute ere.
Ia indar politiko guztiek jada argitu dute Kataluniaren erabakitze eskubidearen inguruan duten jarrera. Alderdiek, ordea, ia hartuta dagoen erabakia (PPk kongresuan daukan gehiengo osoak tarte gutxi uzten du eztabaidarako) ofizial egiteko interesa dute.
Eztabaidak ikusmin handia sortu du eta legegintzaldiko saio garrantzitsuenetako bat izango dela espero da.
Europako bozetara begira
Kongresuko eztabaida irailaren bueltan egitea zegoen aurreikusia, baina bost hilabete lehenago egingo da. Europako Hauteskundeen atarian, hain juxtu.
Alderdiek eztabaida horri probetxua atera eta bakoitzak bere jarrerak indartuta, Europako bozetan eragina izateko baliatu dezakete.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]