Kataluniako hauteskunde plebiszitarioei begira hainbat eskenatoki
Eduard Voltas kazetariak bere blogean aurreratu ditu hauteskunde plebiszitarioetarako eskenatoki onenak. Azaroaren 9an parte hartze handia lortzea da lehen baldintza; zehazki txalotzen du CUP egiten ari den lana egun horri begira indarrak baturik eta sasoian lotzeko.
aurre egingo dieten hedabide independenteak
Ondoren etorri behar duten hauteskundeetarako, Voltasen ustean bi zerrenda independentista aurkeztea litzateke onena. Alde batetik lihoake dagoenekoz CUPen inguruan Proces Constituent eta mugimendu sozialen artean antolatzen ari direna. Bestetik, indarrik handiena edukitzeko bokazioa edukiko lukeena: ERC, CDC, PSCtik sortutakoak, ICV eta Unióren hautuekin ados ez dauden militante ezagunak, akademiako eta kulturako pertsonalitateak...
Voltasek ontzat emango luke bigarren hau bitan zatiturik (ERCren ingurukoak batetik, Mas lehendakariarenak bestetik) azkenean hiru "Si-Si" (azaroaren 9ko kontsultan bi galderei baiezkoa ematearen aldekoak) zerrenda aurkeztea. Baldintza batekin, hori bai, hauteskundeen aurretik adostuta egotea programako atal nagusiak.
