Kataluniako buruzagi politikoak, hirugarren gradutik gertu
Espetxeetako tratamendu batzordeek hirugarren gradua onartu diete preso independentistei. Hirugarren gradua lortzeko, beharrezkoa da Generalitateko Justizia Kontseilaritzak erabakia berrestea, eta ondoren, Espainiako Auzitegi Gorenak onartzea.
Jordi Turull, Oriol Junqueras, Dolors Bassa, Raul Romeva, Josep Rull, Joaquim Forn, Carme Forcadell, Jordi Sanchez eta Jordi Cuixart preso dauden espetxeetako tratamendu batzordeek ostegunean erabaki dute presooi hirugarren gradua ezartzea. Abenduan bigarren gradua eman zieten, eta Zigor Kodeko 100.2 artikuluaz baliatuta, espetxetik ateratzeko baldintzak arindu zitzaizkien; ordutik, presoei espetxetik irteerak egitea ahalbidetzen zaie zenbait arrazoirengatik (lana, senideen zaintza…).
Hirugarren graduan egotera igaroz gero, lotara soilik joan beharko lirateke espetxera, eta hori ere ekidin ahalko lukete 86.4 artikulua ezarriz gero. Alabaina, hirugarren gradura bidean beharrezkoa da Generalitateko Justizia Kontseilaritzak erabakia berrestea; bi hilabeteko epea du horretarako.
Behin hirugarren gradua onartuta, Espainiako Auzitegi Gorenak du azken erabakia, eta helegitea jartzeko aukera egonen da. Litekeena da fiskaltzak helegitea jartzea, eskatu izan baitu presoei hirugarren gradurik ez onartzea zigorraren erdia bete arte.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]