Kataluniako Auzitegi Nagusiak atzera bota ditu Mas, Ortega eta Rigauren errekurtsoak

  • Hiru auzipetuek “erresistentzia kontzienteki” egin zutela iritzi du auzitegiak. Epaileek ontzat eman dute auzipetze prozesuarekin jarraitzea.

Jon Ander De la Hoz Arregi @delarregi
2016ko irailaren 16a

2014ko azaroaren 9ko galdeketari ezarritako debekuari Konstituzio Auzitegiak “erresistentzia kontzienteki” egin ziotela iritzita, Kataluniako Justizia Auzitegi Nagusiak ontzat eman du Artur Mas, Joana Ortega eta Irene Rigauren auzipetze prozesuarekin jarraitzea.

Kataluniako Auzitegiaren arabera, “Kataluniako gobernu legezko eta demokratikoko presidenteak eta bi kidek ez zioten men egin estatuko auzitegi gorenenari”. 2014ko azaroan Generalitateko presidentea zen Mas, eta presidenteordea eta hezkuntza kontseilaria ziren Ortega eta Rigau, hurrenez hurren. Epaileen arabera, “parekorik ez duen kasua da Espainia nahiz inguruko herrialdeetako jurisprudentzian”.

Mas, Ortega eta Rigauk “arrazoi politikoengatik epaituak” izan zirela argudiatuta ezarri zuten errekurtsoa. Auzitegiaren arabera, baina, auzipetze prozedura ez da zabaldu “Generalitateak konpetentziak izan gabe galdeketa deitu zuelako, ezta hura boluntarioen bidez aurrera eraman zuelako ere, Auzitegi Konstituzionalari entzungor egiteagatik baizik”. Hala, “auzitegiek autoritate printzipioa demokratikoki defendatzeko beharra” dutela azaldu dute, “jardun publikoa duintasunez betetzearekin batera”.

Auzitegiaren erabakiaren desados agertu da Joana Ortega. Kataluniako presidenteorde ohiak bere Twitter kontuan azaldu duenez, “jendeari iritzia ematea ahalbidetzeak ezin du delitua izan”. Bere aldetik, Espainiako Justizia ministro Rafael Catalák uste du fiskaltza independenteki ari dela gai honetan. Aldiz, Carles Mundó Generalitateko Justizia kontseilariak “estatuak egiten duen judizializazio politikoa” gaitzetsi du.

Balizko erreferendumerako babes bila

Bien bitartean, independentzia prozesuan aurrera egin nahian dabil Kataluniako gobernua. Hala, Carles Puigdemontek erreferendum bat egiteko asmoa azaldu du, betiere ere “egingarria, loteslea eta integratzailea” bada. Ez du aipatu galdeketa horrek estatuarekin hitzartua izateko derrigortasuna duenik.

Ara egunkariak dakarrenez, Generalitatea agertoki guztiak kontutan ari da lanean, baita Espainiako Gobernuarekin hitzartu gabeko erreferendumean ere. Bide horretan, langile publikoak nola babestu da duen kezkarik nagusienetakoa.

Azaroaren 9ko galdeketarekin alderatuta, bi ezberdintasun nagusi izango lituzke 2017ko ekain edo uztailerako aurreikusten duten erreferendumak: loteslea izatea, eta administrazioak aurrera eramatea, ez boluntarioek. Horretarako beharrezkoa da Espainiako legeditik irtetea, eta igarokortasun juridikoaren legea onartu beharko litzateke Kataluniako parlamentuan. Hala, lege hori onartu eta kontsultara deituta, erantzukizun guztia politikarien bizkar geratuko litzateke, funtzionarioak salbuetsiz.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Katalunia independentziarantz

Katalunia independentziarantz kanaletik interesatuko zaizu...
Urriaren 1erako ikasleek greba deialdia dute Katalunian

Urriaren 1 Plataforma sortu dute, halaber, eta Urriaren 1 plataformak sortutako webgunearen bidez ekintza guztien berri emango dute.


2018-09-24 | Nahia Ibarzabal
Sanchezen iritziz, Quebec eredu izan daiteke Kataluniako auzian

Quebecen egin zuten bezala, elkarrizketa eta legedia erabiltzearen alde agertu da Pedro Sanchez Espainiako presidentea. Dioenez, “herrialde bakoitzak bere bidea bilatu behar du gatazka politikoak konpontzeko".


2018-09-20 | ARGIA
Botere Judizialeko epaileen gorroto mezuak independentisten kontra: "kolpistak", "naziak"...

Espainiako Botere Judizialean urriaren 1eko erreferendumaren aurretik eta ondoren epaileek txat bidez idatziriko mezu pribatuak argitaratu dituzte El Món eta El Diario.es egunkariek. Filtrazioak berehalako erreakzioa eragin du Katalunian, erantzukizun eske.


2018-09-16 | Saioa Baleztena
Jordi Borrąs
"Eskuin muturreko gaietan murgildu nintzen jakinik jo-puntutzat hartuko nindutela"

Argazki makina lepoan zintzilik, manifestazio eta protesta sozialak lantoki bilakatu ditu Jordi Borràs (Bartzelona, 1981) argazkilari eta kazetariak. Massana Eskolan ilustrazio ikasketak egitean murgildu zen “nahi gabe” argazkilaritzan eta, orduz geroztik, hainbat hedabidetan egin du lan. Eskuin muturreko mugimenduen zokorik ilunenak azaleratzeko egin duen lanarengatik, mehatxuen helburu ere bilakatu da azken urteotan. Uztailaren 16an, hain zuzen, argazkilari gisa bizitako... [+]


2018-09-11 | ARGIA
Askatasun garrasi erraldoia Kataluniatik

Azken urteko gertakarien ostean, mugimendu independentistak indar erakustaldia egin du Bartzelonako arteria nagusian, erresistentzia eta batasun mezua bidaliz trabatutako agertoki politiko posible baten aurrean. Urriaren 1eko erreferendumaren osteko lehen Diada egunean, Errepublikaren aldarrikapena eta aurreko gobernuko lider nagusien espetxeratze eta erbestealdiak salatu dituzte.


2018-09-10 | Patxi Azparren
Euskal CUP bat (zuen) beharra

Ezaguna denez, Kataluniako egoera politikoa irauli duten eragile nagusiak lau dira: PdeCat, ERC, CUP eta ANC. Iragan den urriko erreferendumaren atarian lau eragile horien kokapen politikoak ezberdinak ziren eta denek ez zuten iritzi bera. Oinarri sozialek, ANC-Omiumek eta CUP-k mobilizazioei ekin zieten eta CiU ohiak eta ERC-k onartu behar izan zuten ibilbidea.


Intentsitatea, tentsioa eta erresistentzia

Elektrikari talde bat bildu eta zenbait tresna eta material eman ostean hauxe esan zieten: zirkuitu sinple bat osatzeko beharrezko material guztia daukazue aurrean. Hasi eta berehala konturatu ziren kablea motzegia zela eta ez zegoela zirkuitua itxi ahal izateko adina. Gehienek amore eman zuten, ziria

Bazirudien edozein atakatik ateratzeko konbentzimendua zutela eta Errepublikak aurrera egin zezan ere estrategia eta aukera ezberdinak aurreikusita izango zituztela. Ez da horrela izan,... [+]

2018-09-05 | ARGIA
CDRen ekintza batean atxilotutako hamahirurentzat kartzela eskatu du fiskaltzak

Iragan otsailaren 23an, 1981eko Espainiako estatu kolpe saiakeraren urtemugan, Kataluniako Auzitegi Nagusiko sarrera sinbolikoki blokeatzeagatik atxilotu zituzten auzipetuak. Fiskaltzak bi urte eta erdi arteko kartzela zigorrak eskatzen dizkie.


Epaile batek Espainiako hiru polizia deitu ditu deklaratzera U-1eko jokaeragatik

Bartzelonako 7.epaitegiak Pau Claris eskolako jokabideak aztertuko ditu. Deklaratzera deitu duten bat Mediterrània eskolako gertakariengatik ere ikertua izaten ari da.


2018-09-04 | Xabier Letona
Diada 2018: iraultza akuilatzetik noraezera

Gainean da irailaren 11 eta Kataluniako independentismoa prest da beste Diada bat ospatzeko. Berezia izango da, iazkoa bezala.


Azkenak
EGILEA
Eguneraketa berriak daude