Kataluniako alderdiek A9ko kontsultarekin aurrera jarraitzea erabaki dute

  • CiU, ERC, ICV-EUiA eta CUPek Kataluniako azaroaren 9ko kontsultarekin aurrera jarraitzea erabaki dute, goizean Generalitatean Artur Masek deitutako bileran hiru ordu iragan ondoren. 18:00etan bilerarekin jarraituko dute kontsultaren gainerako xehetasun guztiak behar bezala lotzeko.


2014ko urriaren 03an - 00:00
Azken eguneraketa: 18:39
Kataluniako alderdi soberanisten ordezkariak ostiralean bildu dira.

Arratsaldeko lehen orduetan eman du berria Francesc Homs gobernu bozemaileak eta kontsultarekin jarraitzeaz gain, kontsulta behin-behinekoz bertan behera uzteko agintua altxa dezala eskatu diote Espainiako Konstituzio Auzitegiari, "gutxienez Espainiako Gobernuak eskatutako suspentsioari baietza eman zion azkartasun berdinaz". 

Artur Mas lehendakaria, Joana Ortega lehendakari ordea eta Francesc Homs bozemailea egon dira gobernuaren aldetik; Oriol Junqueras eta Marta Rovira ERCtik; Jordi Turull eta Ramon Espadaler CiUtik; Joan Herrera eta Joan Mena ICVtik; eta David Fernàndez eta Quim Arrufat CUPetik.

Ostiral arratsaldean bukatuko ez balute, asteburuan bilkurarekin jarraitzeko asmoa erakutsi dute.

Bilerak ikusmin handia piztu du, alderdietako buruzagien azken egunotako adierazpenak ikusita, orain arte mantendutako batasuna auzitan zegoelako.

ERCk adierazi zuen Mas kontsulta egitearen posiziotik urruntzen ari zela; CUPek desobedientziarako dei garbiarekin jarraitu du eta David Fernandezek adierazia zuen Masek gaur plebiszitu hauteskundeen gaia mahai gainean jartzen bazuen berak alde egingo zuela.

Uniók kontsulta bertan behera utzi behar zela, ICV isilik... Azkenean, kontsultarekin aurrera jarraitzea erabaki dute eta orain ordura arteko bidea nola egin eztabaidatzen jarraitzen dute. 


Kanal honetatik interesatuko zaizu: Katalunia independentziarantz
2024-06-12 | David Bou
Erbeste debekatua

Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]


“Ez dugu auzi justurik edukiko; gidoi hau lehendik idatzita zegoen”

Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]


Auziagatik, erbestean
AURRERAPENA | “Amnistia Legea finkatzen joan ahala, are gehiago indartu dute terrorismoaren akusazioa”

Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.

Aurrerapena da ondorengo... [+]


2024-05-30 | ARGIA
Amnistia Legea aurrera atera da Espainiako Kongresuan

Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.


Eguneraketa berriak daude