Kataluniako auzia "marra gorririk gabe" negoziatzea nahi du Europako Batzordeak
Kataluniak Espainiaren eta Europar Batasunaren barruan jarraitzea bermatuko duen akordioa lortzeko, "pentsalmolde irekiarekin eta marra gorririk gabe negoziatu" dezatela eskatu die bi gobernuei Europako Batzordeko lehendakariorde Viviane Reding-ek.
Redingen esanetan, Kataluniaren eta Espainiaren arteko haustura "ez litzateke inorentzat onuragarria" izango eta bere ustez, "onena akordio berri bat litzateke" Europar Batasuneko kide den Espainiako Estatuaren eta bertako nazio edo erkidegoen artean. La Vanguardia egunkariari eskaini dion elkarrizketan zein motatako akordioa behar lukeen ez du zehaztu, baina Estatua zatikatzea saihesteko "ahal den guztia" egin behar dela azpimarratu du.
"Aniztasunean batuta" dagoen Europa baten alde egin du lehendakariordeak, nazioen "kultura zainduko" duen Europaren alde, hori baitu "aberastasun". Aldi berean, ordea, gogoratu du "Europa osoa ahots bakarrarekin hitz egiten saiatzen" ari dela.
Katalunia Europar Batasunean
Kataluniak Espainiarengandik banantzea lortuko balu, Europar Batasunean sartzea eskatu beharko luke berriro ere, Redingek adierazi duenez. "Kataluniarren sentimenduak" ulertzen dituela dio, "haien bihotzetan dagoena", baina "legea oso argia da", EBren Itunak baitio Estatu kideei dagokiela barne funtzionamendua antolatzea.
Herri-galdeketan EBk zeresanik ez
Herri-galdeketaz ere galdetu diote Viviane Redingi, eta erantzun du herritarrek libreki adierazteko duten eskubidea "errespetatzen" duela. Baina nabarmendu du Kataluniako Gobernuak deituriko erreferenduma "%100 nazioaren eta estatuaren kontua" dela, eta ondorioz Europar Batasunak ez duela horren gainean iritzirik eman behar.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]