Kataluniak independentzia eskuratuko balu Europako Batasunean jarraituko luke? Hori da azaroaren 9ko erreferendumari begira egin izan den ohiko galderetako bat, eta ez dago argi.
Espainiako agintariek eta erreferendumaren aurkako indarrek ezetz esan ohi dute, Katalunia kanpo geratuko litzatekeela, banaketaren ondoren eskatu beharko lukeela berriz sarrera eta, lortzekotan, luze joko lukeela. Independentziaren aldekoek beti aipatu izan dute ez legokeela EBn jarraitzeko eragozpenik, baina EBko agintariek ez dutela halakorik aitortzen Espainiarekin arazorik ez izateko.
Generalitateko Trantsizio Nazionalerako Aholku Kontseiluak azaldu duenez, txosten bat prestatzen ari da EBn sartzeko aukerak nola dauden aztertzeko. Carles Viver Pi-Sunyer Aholku Kontseiluko lehendakariak aitortu duenez, dena den, soberanismoak orain arte saldu izan du Katalunia independentea automatikoki geratuko litzatekeela EBn, baina ez dela horrela. Hala ere, Kontseiluak jarraitzen du pentsatzen EB barruan geratuko litzatekeela eta atera behar izatekotan, oso denbora laburrerako litzatekeela eta berriz sartu artean katalanek ez lituzketela galduko EBko herritar eskubideak.
Aholku Kontseilua orain prestatzen ari den txostenak aztertu ditu EBn sartu ziren azken hiru estatuei eskatu zitzaizkien baldintzak eta uste du Kataluniak dagoeneko betetzen dituela hauek. Baldintzak batez ere politikoak –demokrazia, zuzenbide estatua eta giza eskubideak– eta, ekonomikoak dira –merkatu bideragarria– eta EBren aginduak betetzeko borondatea ere agertu behar da.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]