Kanboko etxe batetik bi pertsona kanporatu dituztela salatu du Ipar Euskal Herriko Kontseilu Sozialistak

  • Etxe huts horretako atea ireki zuten atzo Kontseilu Sozialistako kideek, etxegabetzea salatzeko eta etxebizitza unibertsala aldarrikatzeko.

Artikulu hau CC BY-SA 2.0 lizentziari esker ekarri dugu.

2022ko maiatzaren 06an - 08:56

Ipar Euskal Herriko Kontseilu Sozialistak atzo jakinarazi zuenez, negu betean, bi pertsona kanporatu zituzten Kanboko (Lapurdi) etxebizitza batetik; Marienia bidexkan dago eraikina, eta hutsik dago une honetan.

Hala, etxe horretako atea zabaldu dute orain Ipar Euskal Herriko Kontseilu Sozialistako kideek. "Ekintza sinboliko horren bidez, hemen gertaturiko etxe kanporatzea salatu eta okupazioa zilegi dela aldarrikatu nahi dugu. Haatik, etxe honetan gertatua ez da kasu isolatu bat", adierazi zuten atzokoan: "Sistema kapitalistak, batetik, aterperik ukan ezin duen jendea sorrarazten du, eta bestetik, lur eta etxebizitzekin nahi duena egin dezakeena, burgesia. Lege burgesa da jabe handi horiek babestu eta etxe hutsei erabilera ematea gogor zigortzen duena". Horren guztiaren aurrean, etxebizitza unibertsala aldarrikatu du Kontseilu Sozialistak.


Kanal honetatik interesatuko zaizu: Okupazioa
2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


2024-01-19 | Gedar
Euskal Herrian izan den apostasia kolektiborik handiena ari dira egiten Zestoako Gaztetxearen alde

Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]


2023-12-18 | Garazi Zabaleta
Otxantegi Herri Lurrak
Lurra negozioa egiteko ala elikadura eta bizitza duinerako?

Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]


Donostialdeko okupazio bulegoak hamargarren urteurrena ospatuko du

Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]


Errekaleorren 10. urteurreneko ekintzetan jasandako polizia jazarpena salatu dute

Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.


Eguneraketa berriak daude