Junqueras beste erreferendum bati buruz: "U1-ean egindakotik ezberdina beharko luke"


2020ko uztailaren 24an - 16:14
Argazkia: Catalunya Radio

Berez, Espainiako Auzitegi Gorenak Carme Forcadellen kasuaz ebatzi du, baina urriaren 1eko gainerako presoen egoera berdintsua da eta horregatik uste du Junquerasek haiena ere bertan behera utziko dela. Mallorcako Auzitegi batek Iñaki Urdangarin libre uzteko erabilitako arrazoi berdina erabili dute Kataluniako espetxe agintariek: preso hauek egunez espetxetik kanpoko lan boluntarioa egingo dutela. Junquerasen esanetan, “erabaki horrekin ez digute utziko hurrengo hauteskunde kanpainan parte hartzen”. Horrek, hala ere, ez luke ekarriko PSOErekin eratutako elkarrizketa mahaiaren apurketarik. “Hori bai –zehaztu du– PSOEk C’s-ekin akordiorik egiten badu, gurea bertan behera geratuko litzateke”.

2017an preso hartu zutenetik espetxetik kanpo emandako lehen elkarrizketa izan da hau eta Torra lehendakariak planteatzen duen erreferendum berriaz galdetuta, argi utzi du urriaren 1ean egin zenaz desberdina beharko lukeela: “Badakigu zer den erreferendum bat irabazi eta horrek ondoriorik ez izatea. Urriaren 1ean egin genuenetik ezberdina beharko luke”. Bere ustez, “gauzak egin behar dira eragingarriak izateko eta hori lortzeko gehiengo esanguratsuak eta kontsentsu handiak behar dira”, bai gizarte mailan eta baita nazioartekoan ere.

Hauteskundeen ostean, ERCk berriz ere independentisten arteko akordioak bilatuko dituela baietsi du eta, esanak esan, berak Carles Puigdemontekin sintonia estrategiko ona duela azpimarratu du.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude