Jostailu-dendako intriga


2017ko abuztuaren 07an - 08:49

Poeta bat Oxfordera doa oporretan. Gauez iritsi, eta emakume baten hilotza aurkitu du jostailu-denda batean. Biharamunean, poliziarekin itzultzean, han ez dago gorpurik… ezta jostailu-dendarik ere. Horrela hasten da historiako polizia-eleberri onenetakotzat jo izan den The moving toyshop (1946). Edmund Crispin goitizenez sinatuta dago eleberria. Egileak Bruce Montgomery zuen benetako izena (1921-1978), eta ezohiko detektibe nobelak idazteagatik nabarmendu zen. Artean Oxforden ikasle zela argitaratu zuen lehenbizikoa, eta arrakastari tiraka beste zortzi ale eskaini zizkion Gervase Fen pertsonaia eszentrikoari, tartean denda ibiltariaren hau. Baina Montgomeryrentzat ez zen nahikoa whodunit-ak argitzea; haren gainerako lanak bezala, ironia zorrotzez eta literatura klasikoari egindako keinuz blaituta dago The moving toyshop.

FITXA

The moving toyshop
Edmund Crispin

Victor Gollancz, 1946
Laterza, 2010


Eguneraketa berriak daude