Joseba Nafarrete: “Xubanen kasuaren lege-prozesuak ez du egia frogatzeko balio izan”
2012ko martxoko greban zauritua izan zen Xuban Nafarreteren aitak “behar bezalako ikerketa baten falta eta egiaren ezkutaketa” salatu ditu Gasteizko Parlamentuan. Bere semea Ertzaintzaren gomazko pilota batek jota zauritu zela defendatu du, eta material hori kentzeko eskatu du.
Martxoaren 29ko greba hartan, Nafarretek kolpe bat jaso zuen buruan gertuegi jaurtitako tiro batez. Kolpeak garuneko isuria eragin zion, eta hainbat egunez egon behar izan zuen zaintzapean Gasteizko Santiago ospitalean.
Nafarreteren familiak Ertzaintza salatu zuen gertakariaren ostean. Kasua, ordea, artxibatua izan zen, epaileak Ertzaintzaren bertsioa egiatzat eman baitzuen: gaztearen buruko kolpea lurrera erortzean egindakoa izan zela, eta ez gomazko pilotaren talkak eragindakoa. Honez gain, desordena publikoa eragin izana leporatu zion epaileak Nafarreteri. Rodolfo Ares barne-kontseilariak ere Ertzaintzaren bertsioa defendatu zuen.
Joseba Nafarrete, gaztearen aita, parlamentura joan zen atzo, EH Bilduk eskatuta, Ertzaintzaren bertsioa ezeztatu asmoz. Epailearen erabakia gazteari eginiko medikuaren txostenean oinarritu zela esan du, eta txosten hori zauria jaso eta bi hilabete geroago egin zela. “Ez da ikerketa tekniko, zehatz eta independenterik egin”, salatu du.
Iruñeko Txantrea auzoko kale-izendegian frankismoan errepresaliatuak izan ziren hamar emakume gogoratuko dituzte. Ekitaldia egin zuten atzo eta auzoaren hegoaldean dagoen plaza bat oroimen gune ere izendatu zuten. "Garrantzitsua da historian gertatutakoa gogoratzea;... [+]
