Jon Enparantza Estremerako espetxera mugitu dute, lau egunetan senideei ezer esan gabe
Enparantza ostiralean atera zuten Zaballako espetxetik, eta senideek ez zuten bere berririk izan astelehen arratsaldera arte. Antiguan Enparantzaren egoera eta urruntze politika salatzeko elkarretaratzea egin dute.
Enparantzak astelehen arratsaldean kartzelatik eginiko dei batekin jaso zuen familiak albistea: Espainiako Espetxeetako Erakundeak Estremerako espetxera (Madril) mugitu du Antiguako presoa, etxetik 500 kilometrora. Ostiralean atera zuten Zaballako espetxetik (Gasteiz), eta geroztik, bere abokatuak eta senideek hainbat aldiz deitu zuten kartzelara informazio eskean, inolako berririk jaso gabe.
Enparatzaren kasua eta Espainiako Gobernuaren urrunketa politika salatzeko asmoz, hainbat herritarrek elkarretaratzea egin zuten astelehenean Antiguako Gaskonia plazan, Urrunketa politikarekin amaitu, Euskal Presoak Euskal Herrira lelopean.
Senideek jasan dutena “jasangaitza” eta krudela” izan dela azaldu du Maider Alustizak, Enparantzaren bikotekideak. Salatu duenez, ordea, gertatutakoa ez da gauza berria, euskal presoak espetxe batetik bestera mugitzerakoan “sistematikoki” jarraitzen den prozedura bat dela salatu du: “Guk, familia bezala, hainbat alditan pairatu dugu hau, urteetan zehar milaka familiek pairatu duten modura”.
Gainera, Alustizak nabarmendu duenez, lekualdaketaren ondorioz, Enparantzaren amak bere bisita galdu du, eta hemendik aurrera senideek askoz kilometro gehiago egin beharko dituzte presoa ikustera joateko, horrek dakartzan arrisku eta gastuekin.
Maider Alustiza (Jon Enparantzaren bikotea): "Salatu nahi dugu Jon Zaballatik atera zutenetik gaur arte 4 egun pasa ditugula bere berririk jakin gabe. Duela gutxi deitu gaitu Estremerako Espetxetik" #StopDispertsioa pic.twitter.com/Mfz5ydZScx
— Sare #OrainPresoak👌🗝🕊 (@sare_herritarra) October 28, 2019
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.