Javier Maroto: xenofoboa bere bakardadean

  • Javier Maroto Gasteizko alkateak (PP) zenbait immigrante jo-puntuan jarri zituen, jasotzen dituzten laguntza sozialak direla-eta. Gainontzeko alderdiek, Arartekoak eta SOS Arrazakeriak kritika ugari egin dizkiote.

Gorka Bereziartua Mitxelena @boligorria
2014ko abuztuaren 08a
Marotoren adierazpen xenofoboek gainontzeko alderdi guztien, SOS Arrazakeriaren eta Arartekoaren kritikak eragin dituzte (argazkia: Deia).

“Hitler gasteiztarra bihurtu zaigu”, adierazi zuen ostegunean Xabier Agirre EAJko Arabako presidenteak. Jeltzalearen ustez, eskuin muturretik gertu dauden boto-emaileak erakarri nahian egin ditu adierazpenak Marotok. “Gogoratu behar da Hitlerrek judutarren aurkako konfrontazioa puztuz irabazi zituela hauteskundeak, eta horrek eduki zituen ondorioak eduki zituen”.

Juan Karlos Izagirre Donostiako alkateak ere ez ditu begi onez ikusi Gasteizko alkatearen adierazpenak. Radio Euskadin egin dioten elkarrizketan, Izagirrek esan du Diru sarrerak Bermatzeko Errentako iruzurrak etorkinekin nahastuz xenofobia sustatzen dela. “Nire ustez, Diru-sarrerak Bermatzeko Errenta dagokionari ematen zaio, beste laguntza guztiak bezala”.

PSEko Arabako buru Txarli Prietok Marotoren hitzak “arrazista” hitzarekin deskribatu ditu. Prietoren ustez, PPren “benetako aurpegia” ikusteko balio izan dute adierazpenek.

Delitu zantzuak ikertzeko eskatu du SOS Arrazakeriak

SOS Arrazakeriako Arabako bozeramaile Federico Garciak esan du Maroto EAEko alkate “atzerakoiena” bihurtu nahian ari dela eta jakinarazi du adierazpenetan delitu zantzurik ote dagoen ikertzeko eskatuko diotela fiskaltzari.

Iñigo Lamarka EAEko Arartekoak ere kezka agertu du. PPko kidearen adierazpenek immigranteak “estigmatizatu” ditzaketela eta hori bidezkoa ez izateaz gain “okerra” dela uste du Lamarkak.

Diru sarrerak Bermatzeko Errentaren onuradun nagusiak, EAEn jaioak

Lanbidek emandako datuek ere gezurtatu dute Javier Marotoren ikuspuntua. 35-50 urte bitarteko emakumeak dira Diru sarrerak Bermatzeko Errenta jasotzen duten gehienak. Adin horretako emakumeek lana aurkitzeko zailtasun handiak dituzte eta horregatik jotzen dute laguntza sozialetara.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Marotoren xenofobia kanaletik interesatuko zaizu...
Experts in mixing

Telefonoak jo zion. Madrildik zen, etortzeko, probintziako liga utzi eta Bernabeura saltatzeko unea zela. “Azkenik”, atera zitzaion deia moztu bezain laster eta tenkatu zuen aurpegia imintzio batean, nahastu zitekeena irribarre batekin.


2017-08-01 | Moha Gerehou
Xenofobia Europan
Eskuin muturraren gorakadaren aurrean geratzen zaiguna

"Gerrarte" sasoian, Frantziako Estatuko hauteskundeen lehenengo eta bigarren itzuliaren artean alegia, fenomeno interesgarri baten lekuko izan ginen, garbi islatzen duena Europan eskuin muturrak bizi duen egoera eta horren aurrean gainerako indar politikoek duten papera, bereziki ezkerrak.


PPren ispiluaren aurrean

Egoera ahulenean daudenenganako elkartasun eza, denon dirutik "aprobetxatzen" omen diren horiekiko tolerantzia falta, jarrera politiko konkretuek elikatzen dute eta hauteskundeak dira neurgailu. Jar dezagun fokua Araban.


Errenta soziala mugatzeko Marotoren ekimena Eusko Legebiltzarrean ito da

Diru-sarrerak bermatzeko errenta (DBE) eskuratzeko baldintzak zailtzea xede duen herri-ekimen legegileak Eusko Legebiltzarraren ezezkoa jaso du, kontrako 65 boto eta aldeko 10ekin.


2015-06-15 | Garazi Zabaleta
Ane Zelaia, Gora Gasteiz
"Diskurtso arrazistak bozak ematen ditu, baina Maroto bakarrik gelditu da"

Gora Gasteiz plataformak abiatutako Marotoren aurkako kanpainak fruituak eman ditu Udalaren osatzean. Bere diskurtso “arrazista” eta “xenofoboa” alkatetzatik kanpo uztea lortuta, balorazio oso positiboa egin du Gora Gasteizek. 


2015-06-12 | ARGIA
Maroto ez da Gasteizko alkate izango

EAJk erabaki du Gorka Urtaran alkatetzarako hautagai gisa aurkeztea eta EH Bilduk babesa bermatu dionez, jeltzalea izango da Arabako hiriburuko alkate.


Homosexuala eta arrazista izan zaitezke?

Javier Maroto Gasteizko alkatea gizon batekin ezkonduko dela irakurri eta horra inuzenteki burura etorritako lehen pentsamendua:


2015-06-05 | Garazi Zabaleta
Blanca Urgell: "Denbora luzea daramat haserre Marotoren adierazpen eta jokaeragatik"

Gasteizko Udalean Marotori alkatetza kentzeko eskaera egin berri dute kultura, gizarte eta politika alorreko hainbat pertsonaia ezagunek. Mugimenduaren bultzatzaile diren Blanca Urgell eta Joseba Azkarraga sailburu ohiak Info7 irratian izan dira. Biak ados agertu dira Marotok azken lau urteetan erabili duen diskurtso eta praktika xenofobo eta arrazistak ezin duela beste lau urtez jarraipena izan. 


2015-06-02 | ARGIA
Maroto alkate izan ez dadin "alderdikerien gainetik" jarduteko eskatu dute hainbat pertsona ezagunek

Blanca Urgell (Patxi Lopezen Jaurlaritzan Kultura sailburu izandakoa), Jose Angel Cuerda Gasteizko alkate ohia (EAJ) eta Joseba Azkarraga EAEko Justizia sailburu ohia (EA) daude, besteak beste, ekimenaren atzean.


Maroto alkatetzatik botatzeko sinadura bilketa abiatu dute herritarrek

Botereari eusteko edozerk ez duela balio eta Javier Marotok marra gorria aspaldi gurutzatu zuela uste du gasteiztar askok. Hiritarrek ez dutela halako alkaterik merezi iritzita, sinadura bilketa abiatu dute, gainerako alderdiei eskatuz bat egin dezatela Maroto alkate izatea saihesteko.


Eguneraketa berriak daude