Itunpekoetako irakasleen soldatak eskola publikoarekin parekatzen hasteko, 67 milioi euro bideratuko ditu Jaurlaritzak
Itunpeko ikastetxeetan ari diren irakasleen soldata eskola publikoan ari direnekin parekatuko du Eusko Jaurlaritzak. Parekatzea progresiboa izango da, prozesua 2027an amaituko da eta prozesua hasteko 67 milioi euro bideratuko ditu aurtengo aurrekontu publikoetatik. Hezkuntza Lege berriaren barruan kokatzen da ekimena.
Aurrekontu Legea aldatuko du Eusko Jaurlaritzak, 67 milioi euro horiek itunpeko irakasleen soldatetara bideratu ahal izateko. 2023-2024 urteetako soldatetarako dira 67 milioi horiek (atzeraeraginezko izaera du legeak eta beraz 2023a ere hartuko du), baina parekatze prozesua 2027an amaituko da.
Besteak beste, Jaurlaritzaren arabera berriki onartu den Hezkuntza Legea du atzean erabakiak, eta helburua da “funts publikoen bitartez finantzatuta dauden itunpeko ikastetxeetan ikaskuntza doakoa eta kalitatezkoa bermatzea”. Beste hitz batzuetan, ikastola eta kristau eskoletan familiei kobratzen zaizkien kuotak desagertzen joatea da asmoa, “saihestuko delako itunpeko ikastetxeek beren kuoten bidez soldata-igoeren ondorioak islatu behar izatea”, Begoña Pedrosa Hezkuntza sailburuaren hitzetan. Legez debekatuta dagoen arren, kuota kobratzen dute oraindik hainbat ikastetxek, eta “horretan lanean” ari direla adierazi du Pedrosak.
Euskal Hezkuntza Zerbitzu Publikoa deituriko formula dago oinarrian, EAEko Hezkuntza Lege berriak onartu zuen formula polemikoa. Eskola publikoaren bueltako eragileek ez dute begi onez ikusten formula, eta honela laburbildu zuen EHIGE guraso elkarteko koordinatzaile Lurdes Imazek, legea atera berritan: “Diru publikoz hobeto finantzatuta egongo den sare itunpekoarekin lehiatu beharko da sare publikoa, zeina lehen baino okerrago geratuko den lege honekin”.
Begoña Pedrosak gogoratu du Euskal Hezkuntza Zerbitzu Publikoak betebehar gehigarriak ere ezarriko dizkiela ikastetxe guztiei, hala nola gardentasunari eta langileen sarbideari lotuta.
Ikastolen Elkartea: "Honek ez du doakotasunerako bidea errazten"
Ikastolen Elkarteak “norabide onean” kokatu du erabakia, baina hainbat ohar egin nahi izan ditu. Besteak beste, gogoratu du soldata igoerak langile batzuengan eragingo duela, baina “gainerako langile guztien soldata-igoera Ikastolok hartu dugu gure gain, honek dakarren gainkostuarekin. Gainera, langile guztien soldata-ekiparazioa ez dago inon aurreikusita”.
Neurri honekin doakotasuneranzko urratsak ematen direla-eta, iritzi ezberdina du Elkarteak: “Ikastolok gainkostu bat hartu dugu gure gain, eta honek ez du doakotasunerako bidea errazten. Langile ez dozente guztien eta 0-1 zikloko hezitzaileen soldata-igoera gure gain hartu dugu inolako finantzaziorik gabe. Beraz, Ikastoletako kooperatibisten ahaleginari eta ekarpenari esker lortuko da soldata horiek finantzatzea”.
Bestelako finantzazio beharrak ere mahai gainean jarri ditu Ikastolen Elkarteak: “Geletako ratioak aldatzea, ikasle zaurgarriei arreta egokia emateko pertsonala kontratatzeko finantzazioa, euskararen ezagutza eta erabilera indartzeko figura berriak finantzatzea, eraldaketa pedagogikorako baliabideak finantzatzea…”.
Maiatzaren 21ean bidali diote gutuna Elisabeth Borne Frantziako Hezkuntza ministroari Ipar Euskal Herriko sei parlamentariek. Dagoen ikasle kopurua ikusita, ikastoletarako aurreikusi dituzten lanpostuak "aise gutxiegi" direla deitoratzen dute gutunean. Kexua adierazteko... [+]
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
Hezkuntzari buruzko eztabaidan, gutako batzuk erabiltzen ari garen neologismoa (uste dut horrela deitu ahal diogula) da pedagogismoa, agian azalpenik behar duena. Asmoa da pedagogiari aukera bat ematea, bi gauzak bereizita. Zientifizismoa eta zientziaren arteko bereizketan... [+]
Animalia askok biziraupen estrategia gisa darabil taldearekin bat etortzea. Izaera hori mespretxatu da sarri, kolektibo asko artaldeekin parekatuz, gidatua izan behar duen izaera propiorik gabeko masa bailitzan. Baina kolektibitateak, mehatxua susmatzen duenean, badaki bere... [+]
Herri Urrats jaialdiko hasiera ekitaldian Seaskako zuzendaritzako kide Erik Etxartek salatu zuen Parisek oraindik ez ziela irakasle postu gehigarrien proposamenik egin hurrengo ikasturtera begira. Asteburuan heldu zaie Frantziako Hezkuntza Ministerioaren erantzuna, eta... [+]
Galdera horri erantzun dio hainbat irakasle ez-heterok, eta gogoetarako gako ugari utzi dituzte. Mundua deskubritzen eta identitate(sexual)a eraikitzen ari diren haur eta gazteek erreferente anitzak izatea eta eskolan denok espazio seguru eta erosoa aurkitzea ederra baita.
EHUren ikerketa batean, haur batzuk arkatza eta beste batzuk teklatua erabilita jarri dituzte idazten. Helburua zen jakitea ea irakurtzeko eta idazteko ikasketa-prozesuan alderik badagoen. Emaitza argia atera dute: haurrek eskuarekin egindako mugimenduen bidez ikasten dute... [+]
Atarrabiako Paz de Ziganda ikastola ari da antolatzen aurtengo Nafarroa Oinez festa. Gaur aurkeztu dute egun horri begirako abestia eta bideoklipa. Estitxu Arozena bertsolariaren letrarekin eta Igor Martinezek sortutako musikarekin osatu dute.
Ludotekan, gazte txokoan, udalekuetan... batzuk musukatzen ari direla, beste hark zakila erakutsi duela eta honakoak gorputzarekiko irainak jaso dituela, hori guztia kudeatzea ez dute erraza hezitzaileek. Adibide praktikoz lagunduta, 'Nola landu sexualitatea hezitzaileon... [+]
“Pantailak utzi erronka” hasi dute, maiatzaren 13tik 22ra, Ipar Euskal Herriko 25 eskolak eta 2.445 haurrek. “Hasi aitzin, beldurra dute gazteek, ez direlakoan desafioa betetzera helduko. Gero, indar kolektiboak hartzen du gain”.
Ikasle bati isuna ipini diote institutuan lan politikoa egiteagatik, eta hori salatzeko agerraldi bat egiten ari ziren bitartean, gazteen aurka jo du Ertzaintzak. Zazpi lagun identifikatu ditu.
Donibane Garazi inguruko herri ttipi batean sortua da Bea, eta 1970eko hamarkadan ondoko eskola publiko batean ikusi zituen bortizkeria, sexu eraso eta bortxaketak salatu dizkigu. Irakasleak eragiten zizkiela tratu horiek ama eskolako eta lehen mailako haurrei, mutikoak bortizki... [+]
Frantziako Hezkuntza Ministerioak oraindik ez dio Seaskari argitu hurrengo urtean zenbat ikasgela eta irakasle izango dituen. Hori dela eta Baionako kaleak betetzera deitu dituzte guraso eta euskaltzaleak. Igandean, Herri Urratsera milaka lagun hurbildu dira beste urte batez,... [+]
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]