Zauritu ugari ‘Banc Expropiat’ gunea hutsarazi osteko istiluetan Bartzelonan
Istiluak izan dira astelehen gauean Bartzelonako Grácia auzoan, El Banc Expropiaten hutsaraztea salatzeko manifestazioan. 20:50ean hasi da protesta. El Banc Expropiat gune autogestionatura iritsitakoan, mossoak oldartu egin zaizkie 1.800 inguru manifestariei, zenbait kide ateko burdin xaflak kentzen hasi direnean.
Hainbat orduz luzatu dira istiluak. Mossoek “foam”-ezko jaurtigaiak –gomazko piloten ordezkoak– erabili dituzte manifestarien aurka, eta borra kolpeak ere izan dira, sare sozialetan zabalduriko irudietan ikus daitekeenez. La Directaren arabera, hamabost dira zaurituak; horietatik lau “foam”-ezko jaurtigaiek eraginda.
VIDEO | Brutales cargas en Barcelona contra manifestantes del #BancExpropiat Autor: @graciaviva ¡¡¡DIFUNDID ESTO!!! pic.twitter.com/USW3ZMqz3G
— Profe #JeSuisYemen (@_ju1_) May 23, 2016
Manifestariek barrikadak jarri eta auzoko zenbait gune blokeatu dituzte: auto bat irauli dute eta furgoneta bati sua eman. Tentsioa areagotu da eta auzoan zehar istiluak izan dira. Sare sozialetan manifestariei eragindako zaurien argazkiak zabaltzen ari dira.
La policía ha disparado a los vecinos que se manifestaban por el @Banc_Expropiat, desalojado hoy. #ElBancResisteix pic.twitter.com/ONzvQBQe7F
— Coor Vivienda Madrid (@AlertaDesahucio) May 23, 2016
Banc Expropiat
Banc Expropiat proiektuaren bultzatzaileek duela ia bost urte okupatu zuten Catalunya Caixaren egoitza. 2013ko udan salaketa jarri zuen bankuak eta Banc Expropiatek horren aurkako kanpaina hasi zuen; prozesua denbora batez etetea erabaki zuen Catalunya Caixak. Berdina gertatu zen 2013ko abenduan. Hutsarazte arriskuaz jabeturik, Banc Expropiatek babes kanpaina izan du martxan, salaketa behin betiko erretiratzea eskatzeko.
Hutsaraztea
Astelehen goizaldean, 4:00etan, Esquadra Mosssoen hamabost furgoneta hurbildu ziren Bartzelonako Grácia auzoan okupatutako bankura, egoitza hutsarazteari ekiteko. Bi pertsona bankuko kutxa gotor batean zeuden kateaturik, eta mossoek zortzi ordu behar izan zituzten egoitza hutsarazteko.
Gaueko protestaren laburpen bideoa egin du La Directak:
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
Tentsio uneak bizi ahal izan dira ostegun eguerdian Donostiako Udaletxeko udal batzar aretoan.
21 Zabalgunea udal soziatateak desalojo data ezarri diela jakinarazi dute Alde Zaharreko espazio okupatua kudeatzen duten Auzoan Bizi etxebizitza sareak, Herrizoma elikadura sareak eta Zaharraz Harro jai herrikoiak. Korda “defendatuko” dutela adierazi dute.
Airaldeko Greba Batzordeak (SOS Aiaraldea) jakinarazi duenez, larunbatean hartu zuten itzulera hegazkina desokupazio enpresako kideek.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Hainbat okupazio "sinboliko" egin ostean, dozenaka lagun Urgulleko Guardetxean sartu dira eta garbitzen eta txukuntzen ari dira, ekitaldi kulturalak antolatzeko.
Beste bizi eredu baten alde eginez, hainbat belaunaldik ikasteko, antolatzeko, esperimentatzeko eta trebatzeko aukera izan dute Lakaxitan bi hamarkada hauetan zehar. Gazte belaunaldi anitz ikusi ditu gaztetxeak, eta Jaion bestan, oraingo gazte mugimenduko kideak ez... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
Azaroaren 19an Justiziaren Eraginkortasunari buruzko Legea eta Prozedura Kirminalaren Legea aldatu zituen Espainiako Kongresuak, beste lege sorta batzuk onartzearekin batera. Horrek epaiketa azkarrak egitea, pisu turistikoen erregulazioa aldatzea edo kaleratze zehatz batzuen... [+]
Pasa den asteko "kaleratze ilegala" salatu dute hainbat herritarrek, ostiral arratsaldean.
Joan den asteko kaleratze "ilegala" salatzeko, manifestaziora deitu dute ostiral arratsalderako.
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]