Iruñerriko gaztetxeen autodefentsa eguna antolatu dute urriaren 6rako

  • Iruñeko Errotxapeako gaztetxean egingo dira ekitaldi guztiak eta begia bereziki jarria dute urrian Errotxapea eta Lizarrako gaztetxeek izango dituzten epaiketetan, gazteek dioten bezala, besteak beste hauen hustuketa eman daitekeelako.


2018ko irailaren 27an - 10:13
Maravillas gaztetxea berrokupatu zen eguna. (Arg.: Argia)

Gaztetxeen koordinadora pozik agertu da azken boladan Nafarroan eman den gaztetxeen loraldiarekin eta haien ustez “suspertze honek berriz ere mahai gainean jarri du gaztetxeek tresna bezala duten potentzialitatea”.

Azpimarratzen dutenez, “zentzu honetan, azken aldian askotan entzun dugun bezala, gaztetxeak ez ditugu gazte txoro batzuk elkartzeko toki soil bezala ulertzen, baizik eta mundua ulertzeko eta gaurdanik iraultzen hasteko modu gisara. Beraz, gaur gaurkoz, zapalkuntzarik gabeko eta elkartasunean oinarrituriko bizi eredu berri bateranzko bidean tresna ezinbestekoak dira gaztetxe eta gune autogestionatuak”.

Loraldi hau defendatzeko udaberrian Iruñerriko gaztetxeen arteko koordinazioa sortu zen. Maravillas gaztetxearen hustutzeak, hala ere, erakutsi die “gizartearen eta lurraldearen kontrola dutenek ez dutela bide hau oztoporik gabe egin dezagun onartuko”.

Beheko afitxan ikus daitezke “autodefentsa egunari” begira antolatutako ekitaldiak.

 


Kanal honetatik interesatuko zaizu: Gaztetxeak
Zestoako gaztetxea husteko agindua eman du epaileak

Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.

 


Bi gazte epaitu dituzte asteazkenean Zestoako gaztetxearen okupazioagatik

Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]


2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


Zarauzko gaztetxean lapurreta egin dutela salatu dute

Kontzertuetarako materiala eta baliozko tresnak eraman dituzte.


2023-09-12 | Ahotsa.info
Ez Dago Hilda festibala urriaren 28an ospatuko da Berriozarren "eszena autogestionatuarentzat" lokal bat helburu

Ez Dago Hilda festibalaren antolakuntzak azaldu duenez, festibal honen helburua dirua lortzea izanen da Iruñerriko eszena autogestionatuak behar duen entsegu espazio bat eskuratzeko. Urriaren 28an Berriozarko Ilargi parkean ospatuko da hirugarren edizio hau.


Eguneraketa berriak daude