Ipar Euskal Herriko ordezkaritza eta Frantziako Justizia ministeritza elkartuko dira gaur
Abenduaren 9ko manifestazioaren ostean egingo duten aurreneko bilera da.
Frantziako Gobernuko Justizia Ministerioko kideek eta Ipar Euskal Herriko eragileen ordezkaritzak osatzen duten batzordea gaur elkartuko da. Abenduaren 9an Parisen egindako manifestazio jendetsuaren ondoren aurreneko aldiz elkartuko dira. Manifestazio horretako “argazkiarekin” joango direla jakinarazi dute Ipar Euskal Herriko ordezkariek.
Joan den astean Bakegileek eta Sarek elkarrekin egin zuten prentsaurrekoan eman zuten hitzorduaren berri. Mixel Berhokoirigoin bakearen artisauak, “pausu konkretuak” eman behar direla adierazi zuen. Hain justu horixe dute gaurko bilerako helburuetako bat, euskal presoen auzia konpontzeko neurriak hitzartzen hastea.
Abenduaren 9an milaka herritar elkartu ziren Parisko kaleetan euskal presoen eskubideen defentsan. Frantziako alderdi politiko ia guztietako ordezkariek babestu zuten martxa, baita, Emmanuel Macron Frantziako presidentearen, En Marchè, alderdiko zenbait diputatuk ere.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
Hamar urte eta gero Hodei Ijurko atxilotu, jipoitu, ehunka kilometrotara espetxeratu, isolatu, berriz jipoitu, epaitu eta zigortu egin zutenen arrastorik ez. Hamar urtez terrorista, demokraziaren etsai, bortitz, totalitario, fanatiko deituz bere izena zikindu dutenen usainik ez. Zerriak!
Espainiako Gobernuaren EAEko ordezkari Jesus Loza elkarrizketatu du Enekoitz Esnaola Berriako kazetariak. Euskal Preso politikoak pairatzen ari diren espetxe politikaz mintzatu dira: gradu aldaketaz eta hurbilketaz, besteak beste.
Euskal presoen aldeko manifestazio jendetsua egin du Kalera Kalerak. Kontxako estropaden bigarren jardunaldirako iragarri zuten, eta horrela egin dute.
Euskal presoen gerturatzeak “jakina egongo direla”, adierazi du Espainiako Barne ministroak, “baina legediaren, objektibotasunaren eta bakarkako irizpideen arabera”. Gaiari buruzko zehaztasunik ez du eman Fernando Grande-Marlaskak, Espainiako Kongresuan egin duen agerraldian.
Foro Sozialeko koordinatzaile Agus Hernanek dio “oso arduratuta” daudela ez dutelako aldaketarik sumatzen espetxe politikan.
Heriotza gertatu baino lehenago bizkartzainak berak idatzitako eskutitza eskuratu du Berriak.
Presoen hurbilketa “bizikidetzara begira dagoen” espetxe politikaren barruan dagoela adierazi du Espainiako Gobernuak Euskal Autonomi Erkidegoan duen ordezkari Jesus Lozak. Sanz eta Moreno euskal presoak Basaurira hurbildu izana “legea zorrotz betetzea” dela dio.
EPPKtik bereizita dauden bi preso politikoak Villabonako (Asturias) espetxean egon dira eta orain hirugarren gradua ezarri ostean Basaurira lekualdatu dituzte asteartean.
Marta Igarriz preso hernaniarrari aldatu diote gradua eta Pedro Sanchezek espetxe politikan iragarritako aldaketak eta gero onartzen den mota honetako lehen aldaketa da.
Mont-de-Marsanetik abiatua da goizean euskal preso politikoen urrunketa salatzeko bizikleta martxa. Parte-hartzaileek Zaballako espetxeraino eginen dute bide astelehenera bitartean.
