Independentzia gauzatzeko Generalitateak kontratatutako enpresak ikertzen ari da Auzitegi Nazionala
Kataluniako estatu egiturak eraikitzeaz arduratu behar diren enpresen datuak eskatu ditu Espainiako Auzitegi Nazionaleko fiskaltzak. Ostiralean Guardia Zibila bidali zuen hogei bat enpresen egoitzetan informazioa eskatzera.
El País egunkariak argitaratu duen albisteak dio duela urtebete ari dela ikertzen fiskaltza Generalitateak estatu egiturak eraikitzeko egindako mugimenduak, eta horretarako baliatutako enpresak. Bi estatu egituraren eraikuntza ari da ikertzen: inteligentzia zerbitzuak eta zerga agentzia.
Egitura horiek eraikitzeko Generalitateak kontratatu dituen enpresa ugari “handiak eta punta-puntakoak dira”, El País-en arabera. Zibersegurtasuna, aholkularitza eta arlo teknologikokoak omen dira enpresa horiek.
Fiskaltzak sedizio, baliabide publikoen bidegabeko erabilera eta desobedientzia delituen zantzuak ikusten ditu. Egunkariak dio bi helburu dituela ikerketak: lehena, diru-kutxa publikoei kalte egin eta Espainiako Konstituzio Auzitegia desobeditu duten ikertzea, eta bigarrena, ezkutukoagoa, Generalitateak independentzia prozesua martxan jartzen badu beharko dituen tresnak baliogabetzea.
Informazio zehatza
Fiskaltzak informazio ugari eskatu die enpresei. Generalitatearekin egindako kontratuen dokumentuak, datuak eta informazioa; kontratazioak egiteko Generalitateak erabili dituen prozedurak; aplikazio informatikoen gastuak eta ordainketak egiteko moduak; enpresetan eta Generalitatean proiektuak eraiki eta martxan jartzeaz arduratzen direnen izenak; enpresak konfidentzialtasun kontraturik sinatu behar izan ote duten, eta azkenik, programak martxan jarri badituzte, horretarako erabilitako pasahitzak.
Fiskaltzak zortzi eguneko epea eman die enpresei eskatutako informazioa modu egokian emateko. Ohartarazi die ez badute egiten desobedientzia eta baliabide publikoen bidegabeko erabilera delituak egin ditzaketela.
PPk ezarritako helegiteari erantzunez, legearen testua ia bere osotasunean konstituzionala dela dio auzitegiaren ebazpen proposamenak. Hala ere, legea pertsona gutxi batzuentzat dela dioen argudioan arrazoia eman dio eta herritar guztiei aplikatzea proposatu du.
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Zortzi hilabeteko erbestealdiaren ondoren, etxera eta Directa-ko erredakziora itzuli da Rodríguez (Gramanet del Besós, Bartzelona, 1974). Inork ezer espero gabe, uztailaren 8an, arratsalde bakarrean, erabat irauli zen bere eta beste hamaika inputaturen aurkako... [+]
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.