Uztaritzeko (Lapurdi) San Josepe Lizeoan Frantziako soldaduak eta gendarmeak ostatu hartu dutela salatu dute herriko gazteek.
Asteburuan hasiko da G7aren gailurra Biarritzen (Lapurdi). Kanada, AEBak, Italia, Frantzia, Britainia Handia, Japonia eta Alemaniako mandatariak bilduko dituen gailurraren aurretik armada eta poliziaren presentzia handitu egin da jada Lapurdin, baita mugatik gertu dauden Gipuzkoako herrietan ere, Irunen esaterako.
Polizia eta soldadu hauek hartzeko, hainbat eraikin publiko erabiliko ditu Frantziak, lizeoak barne. Astelehenean Uztaritzeko biztanleek San Josepe Lizeoa polizia eta soldaduz josita aurkitu dute, eta “indar okupatzaile” hauen presentzia salatzeko ekimena egin dute hamarnaka lagunek. Sua piztu dute lizeoaren atarian, eta pankartak zabaldu dituzte hainbat aldarrikapenekin: “G7, militar, txakur, inperialistak… Alde Hemendik!” edo “Ez dugu ere ez 4G-rik, zergatik ukan G7-a?” bezalako leloak irakur zitezkeen.
“Salbuespen egoera Euskal Herrian”
Polizia kontrola izan da Irun eta Hendaia lotzen dituen Santiago zubian astelehen goizean. Horrez gain, gendarme auto andana eta Frantziako Armadaren kamioiak ikusi dira Hendaian eta Lapurdiko beste hainbat herritan. “Salbuespen egoera” dela salatu dute sareetan, nazien okupaziotik Iparraldearen militarizazio handiena izaten ari dela argudiatuz.
Ekainaren 26an epaituko dute polizia Baionako auzitegian. Poliziak jaurtiriko flashballa aurpegian jasorik, manifestariak zauri larriak ukan zituen aurpegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian.
Defentsako abokatuek azpimarratu dutenez, prozedura akatsak egon dira haien aferetan. Azken auzia atzo iragan zen Baionako auzitegian