Immigranteak deportatzen dituzten "lotsaren hegaldien" kontra protestatuko dute Bilbon

  • Joan den astean Senegalgo herritar bat atxilotu zuten Bilboko San Frantzisko auzoan paperak ez edukitzeagatik. Manifestazioa egingo dute gaur atxilotua libre gera dadin eskatzeko.

Iera Aranburu @ieraran
2014ko maiatzaren 13a
SOS Arrazakeriak immigranteen kontrako jazarpena salatzeko otsailean antolatutako kale-ekintza.

Bilboko San Frantzisko auzoko Mariaren Bihotza plazatik irtengo da manifestazioa 19:00ean. SOS Arrazakeria eta Mbolo Moy Doole erakundeek deitu dute, “poliziak auzoetan egiten dituen sarekada diskriminatzaileen aurka" kaleak hartzera.

Erakundeek adierazi dute datozen asteetan immigrantean euren herrialdeetara itzultzeko bi hegaldi berri daudela antolatuta. Lehenengoa maiatzaren 25ean izango da Nigeriara. Bigarrena Senegalera, maiatzaren 29an.

Hegaldien gutxieneko kupoa betetzeko asmoz, Espainiako Polizia bi nazionalitate horiek dituzten herritarren aurka joango dela ohartarazi dute kolektiboek.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errefuxiatu krisi globala  |  Polizia  |  Bilbo

Errefuxiatu krisi globala kanaletik interesatuko zaizu...
Azkenak
EGILEA
Eguneraketa berriak daude