Hondarribiko Gaztetxea husteko kinka larrian dagoela jakinarazi dute
Elizak Egiluz Jauregia berreskuratu nahi duela eta, gaztetxeko kideek eraikina husteko abisua jaso dutela jakinarazi dute. Gabonetan Hondarribiko Gaztetxearen aldeko mobilizazioak iragarri dituzte.
Duela zortzi hilabete martxan jarri eta gero, Hondarribiko Gaztetxeak husteko arriskua duela jakinarazi du. Egiluz Jauregira sartu ziren apirilean eta ordutik, salatu dute bertako kideek "identifikazioak, mehatxuak eta epaiketak" izan dituztela. Lehen epaiketa horretan absolbituak izan ziren gaztetxeko kideak.
Orain, berriz, jakinarazi dute Elizak eraikina berreskuratu nahi duela-eta datorrela husketaren mehatxua: "Orain dela aste pare bat bigarren prozesu judiziala martxan jarri dela adierazi digute gutun bidez".
Gazteek ez dute erabaki hori ulertzen. Izan ere, jauregira sartu zirenean, nabarmendu dute "zikinkeria pilatuta eta eraikin huts bat" besterik ez zegoela bertan. Gabonetan mobilizazioak egingo dituztela ohartarazi dute, gaztetxeari babesa emateko.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
