Hiri debekatura bidaia txartela
Debekatu eta tematu! Plazeraren plazerez egiten ikasiak garenok bidaia zirraragarri baterako gonbitea egin nahi dizuegu! Pasa eta ikusi! Debekatua, marjinatua, ezikusia, manipulatua, isildua eta ezezagun nahi gaituzte bainaaa… Gasteizek bere bere gaitu jada, gasteiztarrek egin gaituzte gu eta guk egin dugu ere Gasteiz egun dena.
aurre egingo dieten hedabide independenteak
Debekatu zuten esatea. Eta zenbaitek egitea gustuko zutela eta kontu kontari ibiltzea, zirikatzea, galdetzea eta sortzea. Debekatu? Eurak, tematu! Hala bedi izenez sortu ninduten zoro maitagarri batzuek, eta geroztik zenbat ideia debekatu uhinetan zabalduak lagunok? Zenbat doinu, solasaldi, galdera, hausnarketa konpartitu? Eta temati jarri zirelarik… Hala Bedi BI sortu zuten, debekatuen hizkuntza debekatuan, mundua esateko gure hizkuntzan, euskaraz. Beste 35 urtez hala bedi!
Okupatzera ausartu ziren egiteko esparru baten bila! Gasteizek badu Gaztetxea! Zenbat urte joan dira ekinaren ekinez? Zenbat belaunaldi, ideia, parranda, asanblada, konspirazio eta ikasketa? Zenbat mehatxu?
Debekatu zuten egitea, norberaren kabuz jardutea. Zer atrebentzia baimen eta legeztatzerik gabeko ekintza! Eta batzuek baietz, ez zela soilik posible ikasteko bide ere bazela, eta bide instituzionala zalantzan jartzeko aukera eta beste bide batzuk berrasmatzeko plazera eta hala! Okupatzera ausartu ziren egiteko esparru baten bila! Gasteizek badu Gaztetxea! Zenbat urte joan dira ekinaren ekinez? Zenbat belaunaldi, ideia, parranda, asanblada, konspirazio eta ikasketa? Zenbat mehatxu? Parkinga, bosgarren dorrea, luxuzko etxeak… Zenbat alikate? Batzuk bai eta ni 30 urtez… temati!
Debekatu zuten jolastea lagunok! Hori ere! Jolasteko txoko bat bazelako auzoan, baina ahanzturara kondenatu zuten eta sartzea debekatu zuten… baina auzokide batzuk tematu egin ziren eta… Auzolana Pilotalekua izenez berreskuratu ninduten! Ta geroztik zenbat pilotakada, bazkari, prentsaurreko, antzerki, ekitaldi eta joko? Mehatxuren bat ere tarteko nola ez, debekatuoi izateko eskubidea ez dugula gogorarazteaz arduratzean da aldiro alikate berriren bat eta. Baina beste behin ere… ni temati! maite nauten horiek defendatu ninduten eta auzolanak baditu jada 10 urte kopon! Urte askotarako!
Eta anai-arreba txiki eta handiak izan ditugu Gasteizko proiektu okupatuok hiri osoan zehar, 103ª, Arriagako etxea, Judimendiko gaztetxea, Aldabeko etxeak, Etxezaharra, Errotako lokala, okupinto, oraindik bizirik mantentzen dugun Arkillos 10… zenbat korrikaldi, epaiketa, mehatxu, malko, amorru… horiek ere egin gaituzte orain garen hau ezta? Baina tematu ginen, metxa piztuta zegoen eta sua sortu zen… SUmendi izenez sortu ninduten debekuetatik eta Judimendik geroztik badu amesteko, konspiratzeko esparrua, librea eta autogestionatua. Txingarrak temati hauspotzen trebeak izan gara beti.
Debekatu zuten emantzipazioa ere... Eskaini zituzten hipotekak, alokairu eroak, eskubideen zozketak, soldata miserableak eta lan ordu malguak… eta tematu ziren gazteak etxebizitzak okupatzen, euren artean abilidade hau kontagiatzen, jabetza pribatua zalantzan jartzen, espekulazioa salatzen eta gustua hartu zioten… pinto, txikita, korre… Gazte emantzipazio sarea badugu ere! ¿A qué GESperas?
Debekatu nahi izan dute izatea lagunok. Eta hara… beste zoro maitagarri batzuek izateko auzo bat okupatu zuten eta izateko aukera bueltatuz zidaten neri, Errekaleor izenez ezaguna nintzen honi. Egiteko, esateko, eraikitzeko, elkar zaindu, amestu, bizi eta maitatzeko auzo bat. Elkarrekin izateko txoko bat bost urtez eta etorkizun oparo bat elkarrekin borrokatzeko aukera. Debekatu nahian dabiltza baina alikate jauna, tematiak garela esan izan dizugu?
Pasa eta ikusi lagunok, debekuen hiritik haratago dagoen Gasteiz da hau… eta gehiago izateko bokazioa dugu! Igo zaitez gure OkupaTOUR-era!
GES, SUmendi, Arkillos 10, Errekaleor Bizirik, Auzolana Pilotalekua, Hala Bedi eta Gasteizko Gaztetxea.
Mikel Buruaga
Aitziber Ramirez de la Piszina.
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
"Bailara eraldatzeko ezinbesteko tresnatzat" hartzen dute Gaztetxea, eta elkartasuna adierazi diete "borrokan dauden beste Gaztetxe guztiei".
Gaztetxearen aldeko manifestazio jendetsu bat egin zuten larunbatean Durangon, espazioaren irekieraren berri eman eta lau egunera. "Lehenengo gaua ere ez genuela bertan pasatuko esan ziguten, eta oraindik gaztetxean tinko jarraitzen dugu", aldarrikatu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Agerraldia egin dute asteazken arratsaldean, Bilbon, eta "Euskal Herriko gazte langileei" dei egin diete gaztetxeetara hurbiltzera, antolatzera, eta "horien alde borroka egitera". Polizia "gazte langileen aurkako estatuaren erreminta zapaltzailea" dela... [+]
Martxoak 14an Itsasuko (Lapurdi) Goxoki Gaztetxean hasitako sei saioko ibilbideak maiatzaren 3an izan du finala Gernikako gaztetxe okupatu berrrian. Egurre Gazte asanbladaren laguntzaz egun osoko egitaraua izan zen larunbatean. Finaleko bigarren fasera, Maddi Aiestaran eta... [+]
Kabia gune okupatuaren 19. urteurrena ospatzeko jarduerak egingo dituzte gaurtik domekara bitartean, apirilaren 24tik 26ra. Bi hamarkada betetzear dagoen gune autogestionatu honek hainbat gorabehera izan ditu bere ibilbidean, eta, Udala bultzatzen ari den Hiria Antolatzeko Plan... [+]
Gernikako "gazte langileen interes eta beharrei" erantzungo dien proiektu bat martxan jarriko duela adierazi du Egurre Gazte Asanbladak. Eraikina duela hamar urte itxi zuten, eta salatu dute Gernikako Udalak hiru legegintzaldi daramatzala esanez liburutegi bat jarriko... [+]
Iragarrita zegoen moduan, Bilboko Errekalde auzoko Etxarri II gaztetxea hustu du Ertzaintzak 9.00etan abiarazi duen operazioarekin. Arratsaldean protesta manifestazioa egingo dute auzoan, 19:00etan Amezolako tren geltokitik abiatuta.
Pasa den asteko "kaleratze ilegala" salatu dute hainbat herritarrek, ostiral arratsaldean.
Manifestazio jendetsu batek herriko kaleak zeharkatu ditu, Poliziaren gehiegizko dispositibo batek zainduta, gazteek kudeatutako guneen defentsan eta Gaztetxeak erasoen aurrean defendatzeko. Manifestazioaren amaieran, publiko egin dute iragarpena.
Amenabar enpresak Bilboko Udalaren eskutik apirilaren 4rako agindu duten desalojoaren kontra azaldu dira bilkuran. Poliziak indarrez kanporatu ditu. Ostiral honetan18.30ean, Errekaldeko Plazatik hasiko den manifestaziora batzeko deia luzatu dute gazteek, baita desalojoaren... [+]
Bilboko Udalak eta Amenabar enpresak proiektu urbanistiko baten pean itxi nahi dute 10 urtez auzoko bizitza sozialaren erdigunea izan den topalekua. Horren aurrean, hiriko 55 kolektibok baino gehiagok manifestu bat sinatu dute prozesua gelditzeko exijitzeko.
Protestak 24 ordu bete dituenean, suhiltzaileak bertaratu dira udaletxera eta kateak moztu dizkiete bi gazteei. Bi kateatuek gaua bertan igarotzea "udaletxearen hautua" izan dela adierazi du Gazte Asanbladak, eta udalaren ordezkariek "ekintza deslegitimatzeko eta bi... [+]
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.